Diahuebs dia 26 di oktober 2017 sr. Donny Rasmijn a haci uso di su ultimo oportunidad di hiba palabra como parlamentario den Parlamento, en todo caso pa awo, pa duna diferente advertencia. Nepotismo: Haci abuso di bo posicion y poder pa faborece famia y amigonan, especialmente door di duna nan trabou, por ehempel den (departamentonan di) gobierno. Un forma di patronahe politico.Nepotismo den pasado, presente y futuro Sr. Rasmijn a expresa cu nepotismo ta tumando luga na Aruba pa hopi aña.

Na januari 2017 un comision Hulandes, Staatscommissie parlementair stelsel, a wordo forma pa investiga si mester trece cambio den e democracia parlamentario di Hulanda. Mientrastanto e comision a presenta un rapport riba e prome fase di nan investigacion, cual ta un ‘probleemverkenning’. E comision a analisa puntonan fuerte y debil di e democracia parlamentario Hulandes y a yega na seis punto riba cual nan lo enfoca durante nan investigacion. Presidente di e comision, sr. Johan Remkes, a

Dia 17 di oktober 2017 lidernan di partidonan MEP, POR y RED a presenta un acuerdo di formacion. E acuerdo aki ta delinea e puntonan di salida pa un posibel coalicion. E puntonan principal ta ‘bon gobernacion’, ‘finanzas publico balansa y duradero’, y ‘e ser humano central’. E acuerdo tambe ta menciona un investigacion di e situacion y riesgonan financiero di Aruba, y un investigacion den departamentonan y companianan gubernamental cu ta sensitivo pa corupcion. E acuerdo a wordo firma pa e

No ta usual cu un partido cu no a logra asiento ta wordo considera como un di e ganadonan di eleccion. Den e caso di RAIZ, hopi ta considera nan resultado di 2.107 voto un victoria. Especialmente teniendo bista riba futuro. ArenaPoliti.co a aserca e lider di RAIZ, sr. Ursell Arends, pa haci pregunta tocante nan campaña, kico nan lo haci pa sigui crece como partido y cua tres plan di RAIZ nan kier wak den e plan di gobernacion di e siguiente gabinete cu lo goberna Aruba.Kico di e campaña pa

Relaciona cu e eleccion parlamentario di Hulanda na maart 2017, partidonan politico Hulandes mester a entrega relatonan mustrando placa cu nan a haya (sponsors) y nan debenan. Tambe mester a entrega un relato di e placa cu candidatonan individual a ricibi. Esaki ta un obligacion segun e ley di financiamento di partido politico Hulandes. E ta conta pa tur partido cu ta bay participa na un eleccion parlamentario, mientras cu partidonan cu representacion den Parlamento (Eerste/Tweede Kamer) mester

No mas cu shete minister. Castigo minimo pa pedofiel. Drones, radar y helicopter pa vigila nos costanan. Ampliacion di e canasta basico. Elimina impuesto riba pensioen di biehes. Evalua legalisacion di uso medicinal di cannabis. Esakinan ta algun di varios punto cu partidonan MEP y POR tin en comun. Banda di tin basta en comun pa loke ta trata proposicionnan, e cantidad di acusacionnan di MEP contra e lider di POR, sr. Otmar Oduber, a baha drasticamente durante tempo di campaña. Esaki a mustra

Diabierna 29 di september a keda confirma oficialmente cu mr. Arie Swaen a wordo nombra como informador di e proximo gobierno. E informador ta e persona encarga cu investiga e opcionnan pa forma un gobierno despues di un eleccion. E ta wordo nombra pa gobernador (como representate di rey y gobierno di Reino) y ta raporta su progreso na gobernador regularmente. Ta anticipa cu pa fin di siman aki e prome informe intermedio lo wordo entrega na gobernador Alfonso Boekhoudt. E tarea di informador E

E siguiente ilustracionnan ta duna un bista di e desaroyo politico di eleccionnan di 1985 te cu 2013. E ilustracionnan ta enfoca mastanto riba partidonan cu ta participa na eleccion 2017. Partidonan cu no ta existi mas of no ta participa na eleccion 2017 ta refleha solamente den e prome ilustracion bou di ‘Tur otro partido hunto’. Un excepcion ta PDR, cu pa motibo di relevancia di desaroyonan politico a wordo inclui den e ilustracionnan. Den e prome ilustracion por observa e porcentage di

ArenaPoliti.co a aserca cada lista politico pa eleccion 2017 y a puntra pa contesta den max. 300 palabra pakico pueblo mester vota pa e partidonan respectivamente. E partidonan a haya cinco dia pa contesta. Aki por lesa e contestanan di esnan cu a contesta. Tambe por download programa di partido di cada partido. Por ultimo, por wak tur e listanan di candidato pa eleccion 2017, cu informacion adicional tocante e cantidad di voto y posicion riba lista pa eleccion 2013. E secuencia ta igual na e

Un di e puntonan di programa cu e lider di UPP ta dunando prioridad ta introduccion di un mededingingswet y un mededingingsautoriteit pa sigura control riba cumplimento cu e mededingingswet. Sr. Candelario ‘Booshi’ Wever, candidato #1 riba e lista combina PPA/UPP, ta sigura cu su coleganan di PPA tambe ta di acuerdo cu introduccion di un mededingingsautoriteit.Kico e ta? Sr. Wever: “Cu un mededingingswet nos por prohibi y preveni cu companianan ta haci palabracionnan cu otro pa tene prijsnan di

Transparencia den gobernacion ta un prioridad pa partido RAIZ. Un forma cu RAIZ kier realisa esaki ta door di transforma nos gobierno den un ‘E-government’. Pero den e vision di RAIZ, un ‘E-government’ por percura pa mas cu transparencia. ArenaPoliti.co a acerca partido RAIZ pa haya mas informacion di e proposicion pa transforma nos gobierno den un E-government. Sr. Ursell Arends, lider di RAIZ, a percura pa un splicacion mas amplio di nan vision.Digitalisacion y automatisacion Ursell Arends:

E slogan pa eleccion 2017 di partido ReD Democratico ta “Voz di pueblo den Parlamento.” Un forma cu e slogan ta refleha den e plannan di ReD ta cu ReD kier introduci un sistema digital pa esnan cu registra serca ReD laga sa nan opinion riba leynan cu ta wordo trata den Parlamento. Den otro palabra; un tipo di encuesta/referendum digital prome cu cada votacion den Parlamento. E sistema digital ta DemocracyOS y ta wordo usa pa cierto partido den otro pais. E programa di ReD ta bisa tiki di e

E resultado di e encuesta di ArenaPoliti.co tocante un Mayoria Absoluto vs. un Coalicion ta cu 58% di participante ta prefera cu e siguiente gabinete cu goberna nos pais ta uno a base di un coalicion. E pregunta tawata ta: ‘Kico bo ta prefera como e siguiente gabinete cu lo goberna Aruba?’ E encuesta tawata tin dos opcion como contesta, sea ‘Un (1) partido a base di un mayoria absoluto’ of ‘Un coalicion di dos of mas partido hunto.’Di e 773 votonan, 452 tawata pa un coalicion, y 321 pa un

Pa hopi tempo caba un posibel cambio di nos Kiesverordening a keda un topico di discusion. Ta trata di un cambio pa percura cu e secuencia di cua candidatonan riba un lista ta bira parlamentario bay a base di cantidad di voto enbes di posicion (number) riba lista. Ora parlamentario di MEP sr. Dangui Oduber a entrega un iniciativa di ley pa realisa e cambio aki, hopi a spera di wak e tratamento den Parlamento di e concepto di ley aki prome cu eleccion. Esaki te ainda no a tuma luga.

A base di con pueblo vota dia 22 di september proximo, e siguiente gabinete cu lo goberna Aruba lo wordo forma. Si un (1) partido logra 11 of mas asiento (un mayoria absoluto) e partido lo tin suficiente asiento den Parlamento pa forma un gabinete y goberna su so. Si ningun partido logra por lo menos 11 asiento, dos of mas partido cu hunto ta yega por lo menos 11 asiento den Parlamento lo mester forma un coalicion y goberna nos pais hunto. Desde Aruba su Status Aparte nos a conoce gabinetenan

ArenaPoliti.co a tuma contacto cu parlamentario di MEP, sr. Chris Romero, pa haya sa mas di e vision di MEP pa loke ta trata sostenibilidad. Sostenibilidad ta un concepto amplio, di cual medio ambiente ta forma parti di dje, pero cu ta encera hopi mas aspecto. E Sustainable Development Goals cu Nacionnan Uni a defini ta duna un ilustracion di diferente aspectonan cu sostenibilidad ta encera. Sostenibilidad ta un topico hopi discuti na Aruba. Pa haya sa con e vision di MEP pa loke ta trata

Religion ta afecta nos comunidad den diferente forma. Hopi a tende di e principio di separacion di iglesia y estado. Pero e principio aki no ta preveni cu religion ta influencia gobernacion. Por ehempel, e influencia di normanan di religion ta visibel den nos leynan. Tambe tin partidonan cu un ideologia Cristian. Partido AVP ta identifica su mes como un partido social Cristian. ArenaPoliti.co a tuma contacto cu candidato di AVP sr. Rene Herdé pa puntra ki rol e religion Cristian mester tin den

Religion ta afecta nos comunidad den diferente forma. Hopi a tende di e principio di separacion di iglesia y estado. Pero e principio aki no ta preveni cu religion ta influencia gobernacion. Por ehempel, e influencia di normanan di religion ta visibel den nos leynan.  Tambe tin partidonan cu un ideologia Cristian. Partido CURPA (Cristianan Uni Reforzando e Potencial di Aruba) ta identifica su mes como un partido Cristian. ArenaPoliti.co a tuma contacto cu candidato di CURPA sr. Robert Anjie pa

E listanan politico pa eleccion 2017 a wordo entrega dia 4 di augustus 2017. En total dies partido ta participa cu nuebe lista (partidonan PPA y UPP a uni forsa y a forma un lista combina: PPA/UPP). Aki por wak e listanan pa eleccion 2017 (den secuencia alfabetico) cu informacion adicional tocante e cantidad di voto y posicion riba lista pa eleccion 2013. Tambe por wak si un candidato tawata riba un lista diferente na 2013. Pa loke ta trata e cantidad di voto necesario pa logra un asiento

Na 2013 partido UPP (Union Patriotico Progresista) tabata na fabor di algun boutique hotel nobo na Aruba. Recientemente e lider di UPP, sr. Candelario ‘Booshi’ Wever, a expresa un pensamento diferente riba e tema aki. UPP no ta na fabor pa Aruba haya mas hotel, tampoco boutique hotels. ArenaPoliti.co a aserca sr. Wever pa un splicacion. Sr. Wever: “Aruba su economia na e momentonan aki nos por considera como un economia monocultural. E sector petrolero, despues di hopi tempo no tin su