Perspectiva Independiente without background 001

E rol di e religion Cristian den gobernacion di pais Aruba, segun AVP

AVP logo01
Religion ta afecta nos comunidad den diferente forma. Hopi a tende di e principio di separacion di iglesia y estado. Pero e principio aki no ta preveni cu religion ta influencia gobernacion. Por ehempel, e influencia di normanan di religion ta visibel den nos leynan. 

Tambe tin partidonan cu un ideologia Cristian. Partido AVP ta identifica su mes como un partido social Cristian. ArenaPoliti.co a tuma contacto cu candidato di AVP sr. Rene Herdé pa puntra ki rol e religion Cristian mester tin den gobernacion di nos pais, y cuanto espacio un gobierno mester duna pa e deseo y pensamento di ciudadanonan cu un otro religion of cu ta ateista. Sr. Herdé a percura pa un miembro di e organisacion di AVP contesta e preguntanan.

Ki rol e religion Cristian mester tin den gobernacion di pais Aruba? 
AVP: “Den e filosofia cu Partido AVP ta carga, e filosofia social Cristian, e rol di religion ta uno caminda cu principionan Cristian (p.e. hermandad, amor pa prohimo y pa famia, husticia social) ta fungi como fuente di inspiracion pa pensamentonan politico. E rol di bijbel no ta absoluto den esaki, sino tin cu wordo mira mas bien como guia den discussionan encuanto norma y balornan y/of ora di defini maneho.” 
E rol di bijbel no ta absoluto den esaki, sino tin cu wordo mira mas bien como guia …”

Cuanto espacio un gobierno mester duna pa e deseo y pensamento di ciudadanonan cu un otro religion of cu ta ateista? 
AVP: “Siendo parti di un democracia y un estado di derecho, gobierno di Aruba tin e deber di crea y duna espacio pa tur ciudadano (pues tambe ciudadanonan cu un otro religion of cu ta ateista) por expresa nan deseo y pensamento, contal cu esaki no causa daño na otronan den comunidad. E filosofo y teologo Cristian Thomas Aquinas a yega di describi e deber aki como un resultado di e hecho cu e ser humano no ta perfecto y cu pa es motibo ta necesario pa proteha esnan cu un pensamento minoritario y alaves keda den dialogo, p’asina e ser humano mehora su pensamento y accionan.” 
… gobierno di Aruba tin e deber di crea y duna espacio pa tur ciudadano por expresa nan deseo y pensamento …”


ArenaPoliti.co
a haci e mesun preguntanan na CURPA, cual ta un partido cu ta identifica su mes como partido Cristian. Klik aki pa lesa e contestanan di CURPA.

Relevante: Rudy Lampe (ReD): E relacion entre Religion y Politica

Expresionnan haci den e articulo aki no necesariamente ta refleha opinion di ArenaPoliti.co

7 motibo pa laga Pueblo eligi su Gabinete

Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...

Sigui lesa...

Inscribi pa ricibi un resumen semanal di e articulonan mas impactante.

 

Contacto

ArenaPoliti.co ta un website di BPS Media

 

Pa tuma contacto of pa manda comunicado:

[email protected]

 

Advertising:

[email protected]

x

 

Inscribi pa ricibi un resumen semanal di e articulonan mas impactante.