Perspectiva Independiente without background 001

E rol di e religion Cristian den gobernacion di pais Aruba, segun CURPA

CURPA logo01
Religion ta afecta nos comunidad den diferente forma. Hopi a tende di e principio di separacion di iglesia y estado. Pero e principio aki no ta preveni cu religion ta influencia gobernacion. Por ehempel, e influencia di normanan di religion ta visibel den nos leynan.  

Tambe tin partidonan cu un ideologia Cristian. Partido CURPA (Cristianan Uni Reforzando e Potencial di Aruba) ta identifica su mes como un partido Cristian. ArenaPoliti.co a tuma contacto cu candidato di CURPA sr. Robert Anjie pa puntra ki rol e religion Cristian mester tin den gobernacion di nos pais, y cuanto espacio un gobierno mester duna pa e deseo y pensamento di ciudadanonan cu un otro religion of cu ta ateista.

Ki rol e religion Cristian mester tin den gobernacion di pais Aruba?
Robert Anjie: “Nos ta kere cu si tin gobernantenan cu di berdad tin temor di Dios e pais lo beneficia di esaki di contrario e lo no beneficia e pais. Tambe nos ta kere cu cualkier pais cu tin Dios central lo prospera manera mester ta y e plannan lo wordo ehecuta cu exito. Conserva e normanan y balornan Cristian den sociadad tambe ta importante. Aruba no ta na unda e ta awe si no ta pa nos hendenan di antes cu a sigui principionan Cristian y asina Aruba a florece y wordo bendiciona.”   
Nos ta kere cu si tin gobernantenan cu di berdad tin temor di Dios e pais lo beneficia di esaki …”

Cuanto espacio un gobierno mester duna pa e deseo y pensamento di ciudadanonan cu un otro religion of cu ta ateista?

Robert Anjie: “Nos ta kere den seperacion di Iglesia y gobierno manera e intento ta y no loke hopi hende ta kere cu e ta. Seperacion di Iglesia y gobernacion ta significa cu ningun gobierno por impone un religion ariba un sociedad. Nos ta pro libertad di religion y cualkier hende por sigui  e religion cu nan kier. Un ser humano tin e libertad di scohe su mes un rumbo y destino.” 
Nos ta pro libertad di religion y cualkier hende por sigui  e religion cu nan kier.”


ArenaPoliti.co
a haci e mesun preguntanan na AVP, cual ta un partido cu ta identifica su mes cu e ideologia social Cristian. Klik aki pa lesa e contestanan di AVP.

Relevante: Rudy Lampe (ReD): E relacion entre Religion y Politica

Expresionnan haci den e articulo aki no necesariamente ta refleha opinion di ArenaPoliti.co

7 motibo pa laga Pueblo eligi su Gabinete

Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...

Sigui lesa...

Inscribi pa ricibi un resumen semanal di e articulonan mas impactante.

 

Contacto

ArenaPoliti.co ta un website di BPS Media

 

Pa tuma contacto of pa manda comunicado:

[email protected]

 

Advertising:

[email protected]

x

 

Inscribi pa ricibi un resumen semanal di e articulonan mas impactante.