Perspectiva Independiente without background 001

‘Asina nos por baha prijsnan na Aruba’

Booshi03Un di e puntonan di programa cu e lider di UPP ta dunando prioridad ta introduccion di un mededingingswet y un mededingingsautoriteit pa sigura control riba cumplimento cu e mededingingswet. Sr. Candelario ‘Booshi’ Wever, candidato #1 riba e lista combina PPA/UPP, ta sigura cu su coleganan di PPA tambe ta di acuerdo cu introduccion di un mededingingsautoriteit.

Kico e ta?
Sr. Wever: “Cu un mededingingswet nos por prohibi y preveni cu companianan ta haci palabracionnan cu otro pa tene prijsnan di cierto productonan artificialmente halto. Nos lo por preveni monopolio y cartelnan economico. Un mededingingsautoriteit lo ta e instancia cu lo eherce e control aki. Mi ta sigur cu un mededingingautoriteit por ta esencial den baha prijsnan y e costo di bida aki na Aruba.”
Mi ta sigur cu un mededingingautoriteit por ta esencial den baha prijsnan y e costo di bida aki na Aruba.”

Sr. Wever ta menciona varios ehempel: prijs di productonan den supermercado y hardware stores, prijs di saco di cement y prijs pa baha container na waf. Di e dos ultimo ehempelnan sr. Wever ta bisa cu nan ta causa hopi otro prijs na Aruba pa subi. E ta haci un comparacion entre Aruba y Corsou, bisando cu na Corsou, na unda ya caba tin un mededingingsautoriteit, e prijs pa baha container ta hopi mas barata y productonan “across the board” ta mas barata compara cu na Aruba. Klik aki pa wak un comparacion di prijs entre Aruba y Corsou.

‘Nos no tin doño’ 
Booshi Wever ta splica cu por lo menos 50 pais tin un tipo di mededingingsautoriteit, incluyendo paisnan den reino Hulandes. “Mescos cu un ley di financiamento di partido politico y introduccion di un ombudsman, atrobe Aruba ta kedando atras. Tur e leynan aki lo ta beneficioso pa pueblo, pero otro interesnan ta preveni cierto ley pa wordo introduci aki na Aruba. Na 2012 of 2013 Hulanda a pone expertonan disponibel pa Aruba y Corsou pa bin cu un mededingingswet. Na Corsou si nan a haci uso di e oportunidad y ya desde 2014 Corsou tin su mededingingsautoriteit. Na Aruba e ley a keda scondi den un lachi, paso e no ta cumbini cierto financiadornan di campaña di e partidonan grandi. Nos si ta para fuerte pa esaki paso nos no tin doño. Ni UPP, ni PPA.”  
Nos si ta para fuerte pa esaki paso nos no tin doño. Ni UPP, ni PPA.”

‘Level playingfield pa entrepreneurs’
Segun sr. Wever, un mededingingsautoriteit no lo beneficia solamente e consumidor, pero tambe inversionistanan y entrepreneurs. Sr. Wever ta splica cu monopolionan y cartelnan economico por stroba (young) entrepreneurs di participa den nos economia, mientras cu Aruba ta keda menos atractivo pa inversionistanan tanto local como di otro pais cu kier inverti y participa den nos economia na un forma husto. “Inversionnan cu por crea cupo di trabou duradero pa nos young professionals y hobennan cu ta caba scol secundario.”
Asina nos ta duna e pueblo votado claridad den kico un voto pa Lista PPA/UPP ta significa. What you see is what you get.”

Un Mededingingsautoriteit ta un condicion pa PPA/UPP forma parti di un coalicion?
ArenaPoliti.co a puntra si PPA/UPP lo percura pa introduccion di un mededingingsautoriteit forma parti di cualkier posibel acuerdo di gobernacion di un coalicion si PPA/UPP logra forma parti di un coalicion. Den otro palabra, introduccion di un mededingingsautoriteit ta algo cu e votado por conta riba dje si PPA/UPP forma parti di un coalicion?
Booshi Wever: “Sigur cu si, y no solamente esey.” Sr. Wever ta bisa di ta compronde cu formando parti di un coalicion, bo mester yega na acuerdonan y no por exigi cu henter bo programa di partido wordo ehecuta. E ta splica cu PPA/UPP no ta pretende di ta bayendo pa un gran cantidad di asiento, pero ta trahando duro pa logra 3.000+ voto. Segun sr. Wever, si nan logra forma parti di un coalicion, pueblo por ta sigur cu PPA/UPP lo percura pa: 
  • Introduccion di un Mededingingsautoriteit;
  • Reintroduccion di e Swiss model “den un bachi crioyo”;
  • Depolitisacion di nombramento di ambtenaar;
  • Ombudsman;
  • Proteccion pa klokkenluiders;
  • Un ley solido pa financiamento di partido politico;
  • Enforsa e trabounan di Raad van Advies, Algemene Rekenkamer y Banco Central.

Booshi Wever: “Nos kier ta transparente cu e pueblo votado. Asina nos ta duna e pueblo votado claridad den kico un voto pa Lista PPA/UPP ta significa. What you see is what you get.”

Expresionnan haci den e articulo aki no necesariamente ta refleha opinion di ArenaPoliti.co

x

 

Inscribi pa ricibi un resumen semanal di e articulonan mas impactante.