Enconeccion cu tratamento di dos ley den Parlamento, esta e ley cu ta regarda calidad di Cuido di salud y e ley di BIG, e comision parlamentario encarga cu Asuntonan Social y Salud a sigui reuni cu diferente stakeholders relevante pa e leynan.  Diabiern mainta a reuni cu instancianan manera Hospital, AZV, Organisacion di Boticarionan y Skol EPI y diabierna atardi a reuni cu organisacionnan manera ODEA, Witgele Kruis y Stichting Bejaardenzorg Aruba. E parlamentarionan presente tabata di fraccion di AVP, esta sr. Rene Herde, sra. Jennifer Arends-Reyes, sr. Jeffrey Kelly, sr. Norman Roos, sra. Desiree De Sousa- Croes, sr. Chris Dammers, sr. Donald Rasmijn. Sr. Melvin Kock, sra. Lorna Varlack (vice-presidente di comision) y sra. Mervin Wyatt-Ras, (presidente di e comision). Ta di lamenta cu ora ta ricibi informacion asina importante for di diferente instancia, miembronan di oposicion no ta presenta na reunion sin notificacion, cu excepcion di sr. Glenbert Croes. Tur presente a duna di conoce cu e leynan ta di importancia pa mehora cuido di salud.
A bin diferente input di parti di esnan presente y lo haci uzo di esakinan ora di manda pregunta pa minister.
Wyatt-Ras ta gradici tur esnan cu te cu awor a duna nan input valioso. Otro siman tin e ultimo grupo di stakeholders cu lo duna nan comentario y preguntanan.

Expresionnan haci den e articulo aki no necesariamente ta refleha opinion di ArenaPoliti.co