Glenbert Croes (MEP): MEP ta pidi WEB cancela e projecto di Urirama definitivamente
Banda di e hecho cu nos ta contento cu e veredicto di hues relaciona cu e caso di Urirama ta importante pa reflexiona riba e caso mes. E veredicto ta manda un señal clave y pa es motibo cu nos kier dirigi nos mes na gerencia di companian di utilidad WEB y Elmar.
Ta momento pa tuma un decision grandi y esaki ta cancelacion definitivo di e proyecto na Urirama pasobra interes di pueblo mester wordo salvaguardia. Realidad ta cu costo di bida a aumenta drastico y den e caso aki e projectonan berde ta contribui na hasi e costo di bida inpagabel. Lamentablemente ta ignorando e consecuencianan cu ta presenta pa pueblo di Aruba. Kiko cu por hasi pa alivia e peso pa e famia arubiano mester wordo considera.
E ta obvio cu Aruba no por continua cu e tipo di proyectonan aki tampoco esunnan di ppp pasobra esakinan ta afecta nos finansas publico cu tur su consecuencia. Den caso di Urirama nos ta contento si cu pa awor e area lo bai keda liber y cu e santuario lo no bai wordo atacha. Nos ta spera cu esnan di WEB y Elmar por cancela di inmediato mirando cu ya nan a haya señalnan cla cu esaki no ta bon pueblo. Teniendo cuenta cu esakinan ta na su lugar pa anula e aumento di coriente pasobra pueblo lo no conoce niun beneficio toch.
Expresionnan haci den e articulo aki no necesariamente ta refleha opinion di ArenaPoliti.co