Despues cu por a constata cu e introduccion y implementacion di BAZV riba BBO no a cana manera mester ta pa varios luna minister di finansas a declara cu lo bai remedia e asunto. Esaki ta un declaración cu e la hasi mas o menos na februari  kiermeen varios luna pasa. E motibo cu e la anuncia cu lo bai remedia ta pasobra mayoría comerciante tawata cobra e cuidadano na un forma incorecto y consecuentemente e cuidadano ta esun cu ta sali perhudica.

Ta obvio cu e mentalidad di Gabinete Eman ta uno di hisa benta  belasting/cobransa nobo sin preparación debido y sin cu a midi e consecuencianan pa e pueblo. Bisando den prensa cu lo bo bai remedia e situacion y cu un team lo subi caya controla no ta solucionando e problema ainda. Pa colmo mester enfatisa riba e hecho cu te dia di awe ta sigui cobra BBO/BAZV na e forma ekiboca! Gobierno a sinja di esaki?? Aparentemente no pasobra durante presupuesto 2015 fraccion di AVP atrobe sin pensa riba consecuencianan y pensa si departamento di impuesto tac la pa handle e situación a hisa benta un aumento  presenta den un amienda di 1% cu lo mester drenta na vigor 1 juli 2015.

Fraccion di AVP no a pensa riba e preparación cu mester hasi pa por ehecuta esakinan. Na promer lugar e introducción di BAZV na 1 december 2014 a cuminsa cu un pia robes pasobra e formularionan no tawata cla. Apart di esaki ta e hecho cu e personal mester ta re-enforsa pa tur e cambionan aki. E forma di traha ad-hoc di parti Gabinete Eman y fracción di AVP ta esun c uta perhudicando pueblo. Ta papia di kier cuida poder di compra pero na e mesun momento ta permiti y ta sigui bin cu mas belasting y cobransanan cu ta afecta e cuidadano directamente.

Otro cos cu tanto gobierno di AVP y su parlamentarionan no a pensa ta si e placa di BAZV di berdad  a wordo transferí pa AZV desde cu esaki a wordo cobra 1 december 2014. Den principio tas pera cu 1% di BBO/BAZV ta genera aproximadamente 60 miyon florin. Di december 2014 te cu luna di mei 2015 e 1% aki lo mester a genera aproximadamente 30 miyon florin. Aparentemente AZV lo no a ricibi e placa di bestemmingsheffing aki cual ta algo di lamenta pasobra ta hisa bente riba lomba di pueblo y no ta cumpli pa lage yega su destino cu ta pa aseguro medico general.

Kizas ta pa falta di disciplina y preparación of instrucción directo di gabinete Eman cu placa no a wordo transferí pa AZV. Tambe no mester lubida cu falta di control di fondonan di SIAD pa AZV ta hunga un rol grandi cu e traspaso no ta tuma lugar manera debe ser. Akinan ta unda cu hopi cos ta bai “mis” pasobra si nunca e fondonan yega nan destino cu ta AZV esaki ta pone automaticamente cu e organo aki su estado financiero ta keda empeora y na su lugar lo no por cumpli cu e demanda y pagonan di cuido medico pa nos cuidadanonan. Esaki ta falta di seriedad di parti Gobierno! Cu otro palabra bo por wel di  bisa cubo intención ta pa AZV haya fondo pero tanto bal si bo propio maneho falta di mecanismo di control pa zorg pa e fondonan aki wordo aloca pa AZV. Hecho ta cu no ta solamente AZV no ta haya su placa pero tambe otro instancianan manera ATA, APFA, AOV den pasado tampoco a haya nan placa . Dus bo por conclui cu esaki ta un acto cu ta keda ripiti den gobierno y ta duna bo tur indicacion cu gobierno y e Ministronan encarga ta hendenan iresponsabel, no tin disciplina, no ta cumpli cu ley y no tin “good governance” ! 

Expresionnan haci den e articulo aki no necesariamente ta refleha opinion di ArenaPoliti.co