EXITO NA TUR STUDIANTE DI UNIVERSIDAD DI ARUBA 

ORANJESTAD -- Universidad di Aruba diabierna a hasi apertura oficial di anja academico 2015/2016. Lider di MEP Evelyn Wever-Croes tabata presente un biaha mas na e ocasion aki.

"Mi ta desea tur studiante di Universidad hopi exito den e anja academico nobo. Universidad di Aruba a crese hopi ultimo anjanan y a conose mas facultad, y ta brinda asina mas opcion na esnan cu kier studia.
Dr Asdrubal Baptista den su discurso a bisa cu un pais sin un Universidad ta mescos cu un tempel cu Dios a bandona. Nos na Aruba ta hopi orguyoso cu nos tin un Universidad. Ami tabata miembro di College van Curatoren prome cu mi a drenta politica y semper Universidad a keda un lugar especial pami y ta pesey cu mi ta hasi lo maximo pa ta presente na ocasionan asina. Mi ta desea tur studiante hopi exito e anja academico aki, y ohala cu e lo ta un anja exitoso pa Universidad di Aruba", tabata palabranan di Evelyn Wever-Croes.

Expresionnan haci den e articulo aki no necesariamente ta refleha opinion di ArenaPoliti.co