ORANJESTAD – Fraccion di MEP a laga s acu nan lo no ta den Parlamento mas. Nan tabata ausente pa e apertura di anja parlamentario, y a keda ausente despues di esey.

Dos siman pasa nan a atende un reunion di comision di transporte cu minister Otmar Oduber tocante e parkeermeter, y según líder di MEP Evelyn Wever-Croes a splica, ta pasobra e problema di parkeermeter ta uno gigantesco y MEP a trata na trese proposicionnan padilanti, pero e minister no kier a scucha.

Siman pasa e fracción tabata presente na e reunion publico tocante hospital, y di esey líder di MEP Evelyn Wever-Croes a splica cu ta pasobra e reunion ey ta fraccion di MEP a pidi dia 7 di februari 2014. Awor cu e reunion a wordo yama bek, MEP mester tey presente, maske e baca a hoga caba! Hopi a kere cu e fraccion di MEP lo no a presenta den Parlamento, pasobra lider di MEP a splica cu desde e incidente di 27 augustus cu e ley di CAFT a wordo aproba, nan no ta den Parlamento mas. “It is not business as usual. Bo no ta haya nos sinta den Parlamento mas ta hasi nada. Nos lugar ta den pueblo, pa scucha e dolornan di nos pueblo y pa busca solucion pa nan. Den parlamento mes bo no por soluciona mucho cos, pasobra e poder di parlamento a wordo pasa pa CAFT. Nos lo ta den Parlamento solamente pa temanan hopi urgente, ora cu gobierno kier mishi cu cartera di e pueblo. E ora si nos lo tey, y nos lo lucha cu tur nos forsa pa impedi esaki. Pesey nos a acudi tambe diabierna ultimo, pasobra tabata pa trata e proyecto cuestionabel di hospital, un reunion cu nos mes a pidi un anja y mey pasa y c uta e proyecto culpabel pa e aumento di BBO cu 2%.  Pa colmo awor CAFT mes a propone pa hisa e BBO atrobe! Pesey nos a atende e reunion ey.
Pero por lo demas, bo no ta haya nos sinta den airco ta hunga riba Facebook. Esey nos ta laga pa e parlamentarionan di AVP cu tin miedo di cana den pueblo. No ta e presidente di parlamento a pone nos den parlamento, ta pueblo a pone nos den parlamento, y ora pueblo mester di nos, nos ta acudi. Ora nos mester t’ey, nos t’ey y bo lo scucha nos voz tambe. No manera e parlamentarionan di AVP cu ta sinta henter dia den e sala, sin hasi nada, sin siquiera prepara un discurso, y sin traha ningun mocion. Ta tristo pa mira nan sinta hari, chercha y lubida cu ta pueblo a pone nan eyden”, según líder di MEP Evelyn Wever-Croes,

Expresionnan haci den e articulo aki no necesariamente ta refleha opinion di ArenaPoliti.co