Siman pasa durante reunion publico relaciona cu e projecto di hospitaal Minister Schwengle a reta mi publicamente pa bai Ministerio publico. Awe mi kier anuncia cu mi a acepta su reto y conhuntamente cu e apoyo di fraccion MEP nos lo ta preparando documentacion cu ta hustifica un investigacion di no solamente Ministerio publico pero tambe nos lo bai solicita algemene rekenkamer di aruba y Hulanda pa hasi un investigacion completo riba e proceso di bidding y cu a exclui cambernan di operacion.

Ora bo tende discurso di Minister Schwengle nos ta lamenta cu despues di 2 aña e ta bin papia e idioma aki. Loke nos kier enfatisa riba dje ta cu bo no por kere cu ta cuestiona operariekamer sin hasi esaki pe totalidad di projecto. Nos a advertie 2 aña pasa prome cu e la firma e projecto cu OHL arellano laga hasi un investigacion independiente riba e proceso di bidding. Tawata obvio cu tawatin bidfixing pasobra a facilita pa laga un compania cu no merece gana e bidding na un manera masha iregular. Awor despues di 2 aña ta lanta for di soño y esaki nifica cubo ta mesun culpabel pa tur e problemanan cu esaki por trece cune hunto cu tur e otronan cu a firma.

Bo a tapa bo wowonan pa tur iregularidad cu a sosode siendo cu full e projecto di hospitaal tawata un gefixed. Ta pesei nos lo bai entrega y encamina e proceso pa no solamente entrega un keho oficial na Ministerio Publico pero tambe un investigacion di parti Algemene rekenkamer di Aruba y Hulanda. Nos ta spera tambe cu Gabinete Eman duna cooperacion completo durante e investigacionan. Hecho ta cu Minister Schengle ta mesun culpabel cu minister Eman y Zievinger cu a firma e contract cu OHL Arellano.

Expresionnan haci den e articulo aki no necesariamente ta refleha opinion di ArenaPoliti.co