Den un articulo fecha 18 april 2015 Gabinete Eman representa pa Mike de Meza a vocifera cu lo bai pa desmantelacion di e refineria den un periodo di 2 luna. E noticia aki a motiva nos pa actua cu urgencia pa hasi e esfuersonan necesario pa evita un scenario di desmantelacion y rescata e refineria. Tambe e accion lidera pa Evelyn Wever-Croes cu a pone nos bai na e portanan principal di refineria a pone pression pa gobierno hasi lo necesario pa para demantelacion.Ta pesei awe e firmamento di un MOU cu CITGO ta yena nos cu optimismo y speransa cu finalmente e por bira un victoria pa pais Aruba cu e refineria lo wordo rescata. Mi esfuersonan den e proceso aki tawata pa na inicio confirma e interes grandi di parti PDVSA den e refineria aki na Aruba. Durante mi ultimo reunion hiba cu representantenan oficial di PDVSA e subsidiario CITGO tawata wordo informa mientras cu Gobierno tawata reuni cu CITGO. Asina e esfuersonan a complimenta otro y hiba nos na firmamente di MoU cu CITGO. Ta pesei siman pasa mi a informa pueblo cu nos lo ta hopi serca pa re-apertura di refineria.E victoria aki no tin color politico ni pa gobierno sino e ta pa Aruba. Apesar cu firmamento di MOU ta un gran paso laga nos lubida cu tin hopi trabou nos dilanti ainda. CITGO lo mester hasi su evaluacion y ainda PDVSA mester tuma un decision final sin conta ainda cu Valero por bai stroba e proceso. Nos mester vigila gobierno di Aruba hopi serca pa no sabotea y tuma nos esfuersonan abou. Ora nos tuma nota di expression di parlamentario ta vocifera ken mi ta pa negocia e refineria mi kier puntra ken ta boso pa laga sera e refineria? Un cos ta sigur si mester a bai warda decision di AVP riba e refineria nan lo a desmantela e refineria. Si no tawata pa e esfuersonan di MEP nunca gobierno a lanta for di sonjo pa refineria. Ta pesei for di e caminda unda nos tawata cu AVP kier a desmantela e refineria y e status awor di firmamento di MOU ta un logro grandi pa Aruba.

Expresionnan haci den e articulo aki no necesariamente ta refleha opinion di ArenaPoliti.co