Diaranzon mainta e comision parlamentario encarga cu Asuntonan Social y salubridad a reuni cu diferente instancia y profesionalnana encuanto 2 ley di salud , esta el ley cu ta regarda Kwaliteit in de Gezondheidszorg y e ley di Beroepen in de Gezondheidszorg (BIG). Ya caba dia 4 di november y dia 7 di november a reuni cu diferente stakeholders y esaki tabata e di tercer grupo cu a reuni cune cu tabata IMSAN, bond di enfermeronan (ABV), Patienten Adviesraad, Asociasion di Dentistanan, Organisacion di Mondhygienisten y e dokternan cu a studia den region. Diferente aspecto di e leynan a keda tresi padilanti, entre otro cu ta deseabel pa amplia e grupo di esnan cu lo registra, con lo anda cu e studiantenan cu ainda ta studia de region. Por lo general e grupo presente ta mira cu por lo general cambio de leynan tin cu ser considera como positivo.

A base di reaccionnan ricibi Parlamentarionan lo haci nan pregunta por escrito na gobierno y ora gobierno contesta lo trata e ley den Reunion Publico. Mervin Wyatt-Ras ta considera e reunionnan cu diferente stakeholders di importancia pa garantisa mihor producto di ley sinembargo e dos leynan aki ta crea un cuadro cu lo ser fortifica den practica y manera minister a indica a base di e leynan lo bin cu un plan di implementacion. Intencion ta pa hisa calidad di cuido y cu esaki ta responsabel cu e meta principal, esta garantisa cu nos hendenan tin un bon cuido di salud. 

Expresionnan haci den e articulo aki no necesariamente ta refleha opinion di ArenaPoliti.co