For di e poco informacion cu gab. Mike Eman/Ministro Mike de Meza a duna comunidad di Aruba encuanto e negosiacion entre gobierno y CITGO pueblo por a tende cu gobierno di Aruba ta pone e condicion cu esun cu exploita e refineria lo mester bai over na e uso di LNG gas envez di crudo !!

E pregunta cu PPA pa cu esaki ta:

1. Gobierno di Aruba/Parlamento a larga hasi un estudio encuanto e ‘seguridad’ en general den nos refineria pa mejora e ‘seguridad’ di trahador den nos refineria esaki si nan keda usa crudo mes ?
2. Encaso e refineria bai over na uso di LNG gas cu ta condicion di gobierno/futuro donjo di e refineria (?) …….gobierno a larga hasi un estudio profundo di e ‘risico’ /safety hazards pa trahador y pa e pueblo di San Nicolas, Zeewijk y vecindario ?

PPA no ta experto riba e tereno aki pero nos ‘comon sense’ y contacto cu poco hende cu ta mucho mas ta pone nos hasi e pregunta si gobierno por produci nan ‘estudio’ di un situacion unda e refineria ta hasi uso di LNG pa ‘run’ e refineria.

Nos a comprende cu na otro pais un ‘milieu effecten rapportage’ ta worde hasi for di cual gobierno ta stipula un lista di condicion na cual un empresa/refineria lo mester cumpli cunele….gobierno a larga ejecuta un estudio asina kaba y por produci e rapport aki ? Si e rapport aki no a worde compila ainda, a base di cual argumento gobierno di Aruba ta tuma e posicion aki ?? Si gobierno a larga hasi e estudio aki kaba……..gobierno a compila un lista di condicion na cual e exploitador di e refineria lo mester cumpli cunele …….?

PPA ta comprende cu na otro pais e lista di condicion ta core den cientos di condicion…nos a lesa di 250 condicion di gobierno pa proteha trahador y pueblo den vecindario ? Nos a comprende cu unda lo hasi uso di LNG tanto como un installacion di LNG cu lo rekeri varios barco grandi di LNG pa siman cu ta bin ‘bunker’ pa entrega nan carga como e uso di LNG den e refineria ta trece cunele cu lo mester tin cierto distancia entre e installaccion di entrego……e Tankinan….y un distancia for di unda e pueblo ta move riba bao …..con esaki a worde determina na Aruba ? Y kiko ta e distancia aki na Aruba cu e refineria lo mester tene cuenta cunele ? E lista aki a worde entrega na CITGO kaba ? Y CITGO a accorda esaki tambe ??

Mirando cu PPA no a tende di ningun discussion profundo di nos gobierno cu nos parlamento riba e topico aki ….PPA a sinti e obligacion …defendiendo interes di pueblo….pa hasi e pregunta(nan) publico aki pa gobierno/parlamento aclarea pa nos pueblo.

Nos a comprende for di varios publicacion na otro pais cu nan ‘Hinderverordening’ so ta leeuw di ta suficiente..y como tal a prepara leynan acerca pero tambe un lista di condicion na cual e refineria lo mester atene nan mes.

Nos a comprende cu tin diferencia cardinal entre ora tin un explocion di un refineria cu ta worde ‘gerun’ cu crudo y ora un refineria cu ta worde ‘gerun’ cu gas……gobierno ta consciente di esaki ??

Basa riba e diferente forma di explocion aki…(esta explocion di crudo versus di gas )..varios condicion ta worde forma ….especialmente e distancia entre e refineria y e con leeuw e pueblo ta biba for di un refineria.

Na San Nicolas e pueblo e refineria y e pueblo ta worde separa pa un asina jama ‘firewall’ locual tabata ‘kizas’ acceptable den pasado pero mester worde bon analisa den presente sigur ora e refineria tabata sera y ta gobierno mes ta esun cu kizas di bira donjo di e refineria y riba djele cu ta gobierno mes lo mester cumpli junto cu e ‘huurdor’ na e condicionan cu gobierno ta of lo mester stipula…..esaki ta trece cunele cu e pregunta/remarca mester worde hasi si esaki kizas no ta un ‘conflict of interest’ y pa proteccion di nos pueblo kizas mester larga un ‘instancia internacional’ formula e condicionan na cual tanto gobierno como donjo y e ‘huurdor’ lo mester cumpli cunele den proteccion di tanto e trahador como e pueblo biba den vecindario ??

PPA lo bin bek riba e materia importante aki !!

Aruba, 5 maart 2016
Lider Politico di PPA
BENNY NISBET

Expresionnan haci den e articulo aki no necesariamente ta refleha opinion di ArenaPoliti.co