Divide and conquer, esaki ta loke e gobierno aki ta practica diaramente. Si bo no ta cumi, bo ta contra mi. Nos ta lamenta profudamente con minister Schwengle tambe ta presta su mes pa practica esaki. For di hopi tempo tin varios discussion y hopi disgusto pa loke ta trata e maneho di IBISA. No tin un maneho drechi y esun cu ta fungi como director a wordo nombra politicamente y ta haci y deshaci eyden. Varios protesta a tuma lugar, varios carta a wordo manda pa minister Schwengle pa atende cu IBISA per e no ta duna oido na empleadonan y a laga e situacion sali for di man. Na e momentonan aki a persigui 2 empleado di IBISA politicamente y a manda e empleadonan aki cas y bisanan cu nan por presenta na DRH pa un ‘’passende functie’’. Un di e empleadonan a solicita pa un funcion cu a bin habri den IBISA. E tawata cumpli cu tur e exigencianan y a wordo nenga e funcion aki. Consequentemente e empleado a busca su derecho y cana e caminda legal. Aki e a wordo demostra cu e empleado tin rason y ta e mester a haya e funcion aki. Kiko a resulta, manera cu e empleado a presenta bek na trabou, minister Schwengle a manda un carta pa 2 empleado y a manda tur 2 cas. A inventa un cantidad di motibo sin basa y sin por argumento pa politicamente retira e empleadonan for di IBISA. Loke nos ta mira ta cu abuso di poder a hunga un rol aki nan y pasobra e director ta AVP y  wordo nombra politcamente ta persigui empleadonan di otro color politico. Ta inhusto loke ta pasando y nos ta condena e manera di proceder di minister Schwengle. Normalmente e director ta manda un carta pa empleadonan di su dienst pero den e caso speecifico aki e propio minister a manda e carta y firma esaki. Nos kier recorda minister Schwengle cu ta di carambola e ta minister y e autoridad cu e tin ta temporal. Pueblo no a dune e autoridad aki pa haci mal uso di su funcion y di su posicion pa persigui hendenan cu no ta simpatiza cu AVP na e manera aki. Loke ta pasando na Aruba ta comunismo moderno caminda tur hende cu ta contra gobierno ta wordo persigui y kita for di trabou. E manera di dirigi un pais aki a hiba na kiebro di hopi pais. Nos ta biba den un democracia bibo y tur hende por tin nan opinion. No ta manera con minister Shwengle a trata e humiya e empleadonan di IBISA aki. E no mester lubida cu nan tambe ta tata di famia, nan tambe tin yui pa cria na cas. Si ta asina e kier goberna y trata hende anto e ora nos democracia ta na peliger. Abuso di poder NOS NO LO TOLERA y nos ta urgi minister pa corregi su error pa evita mas problema. No ta husto loke a sosode y nos ta condena e decision di minister energicamente. Mas tristo aun ta cu e empleado no por haya e funcion den IBISA pasobra e funcion aki a wordo prepara pa yui di un parlamentario cu ja caba a duna su yuinanan 3 cas den Colony!!!

Expresionnan haci den e articulo aki no necesariamente ta refleha opinion di ArenaPoliti.co