MEP: MEP ta felicita pueblo cu un marcha masal
Aruba a papia. Aruba a marcha. Y den forma masal a demostra cu ta basta cu criminalidad. E marcha a sali rond di 4.30 for di Postkantoor y a yega Bestuurskantoor rond di 6.00. A logra pone mil persona riba pia cual ta un logro grandi. MEP tambe tabata tey presente den gran forma, semper solidario cu pueblo di Aruba.
Un pabien ta bai na e organisadornan. Ta prome biaha cu comerciantenan y sindicalistanan ta uni den un causa comun: e Preocupacion pa nos siguridad.
E presion cu e marcha aki a pone riba gobierno y especialmente riba e politiconan di AVP ta enorme, y a pone varios politico di AVP hasi expresionnan bastante absurdo pa purba stroba e marcha.
Pero pueblo a papia, y a mustra cla y raspa cu e NO ta contento cu e maneho di gobierno aki pa loke ta criminalidad. Pabien Aruba
Expresionnan haci den e articulo aki no necesariamente ta refleha opinion di ArenaPoliti.co