MEP: Den su ignorancia Chris Dammers no ta consciente di e 970 miyon florin cu gobierno di MEP a laga atras na 2009
Increibel, AVP no a haya placa pa traha cu ne???
Un hilaridad completo, asina mester categorisa e comunicadonan ultimo di Chris Dammers di AVP caminda e ta declara entre otro cu “gobierno di AVP a absorba tur e slanan financiero ocasiona pa MEP prome cu 2010”. Tambe den su atake di desesperacion el a trece padilanti cu “gobierno di AVP a haya debe so sin placa pa traha cu ne”. Esta un ponencia ridiculo di e parlamentario aki cu ta insulta inteligencia di henter un pueblo cu si ta consciente di tur e fondonan cu MEP a laga atras na 2009, pero cu a wordo derocha den algun aña di tempo!
2.7 biyon florin extra
Na prome lugar, pa loke ta trata e slanan cu e ta papia di dje, e unico slanan cu pueblo por a experencia ta e slanan cu e mesun Dammers aki den forma bergonsoso a pone riba cachete di su propio colega di partido, kende a acusa su persona di a yuk e presupuesto di Parlamento. Por lo demas, na numeroso ocasion partido MEP ya a trece padilanti e hecho cu na final di 2009 Gabinete Oduber a laga atras un suma di 970 miyon florin y tabata Gabinete Eman cu a absorba y probecha di e suma aki. Fuera di esey Chris Dammers no kier ni papia di e suma di 1.7 biyon florin extra cu Gabinete Eman a ricibi y esaki debi na e desgracia cu nan comete door di aumenta nos debe nacional di 2.2 biyon na 2009 te 3.9 biyon na 2016. Lo ta bon pa Chris Dammers porfin splica pueblo den kico su gobierno di AVP a inverti e mas cu 970 miyon florin aki y tambe e 1.7 biyon florin cu nan a fia den 7 aña di tempo, pues den total 2.7 biyon florin extra. Y no bin cu e storia di e construccion di Hospital, Green Corridor, Watty Vos Blvd y e MFA-nan, ya cu tur e gastonan den e proyectonan PPP no ta hinca den e 2.7 biyon florin aki!
Menos di 1% na inversion
Alavez Chris Dammers den su comunicado a lansa poco mentira cu ta su persona so por kere den dje. Ki curashi pa declara cu Gabinete Eman a construi un cantidad di edificionan, siendo tur hende por mira cu durante e ultimo 7 añanan nan no a construi ni un scol nobo, ningun cas social (casnan den Colony si el a percura pa su 2 yuchinan!), ningun facilidad deportivo, ningun cas pa anciano, ningun warda di polis y asina por sigui. No ta pornada cu CAFT a indica den su rapport di 29 di December 2014 cu Gabinete Eman no a inverti ni 1% di tur e gastonan di gobierno.
Fondonan di SVB, APFA y AZV
Pa loke ta e fondonan di SVB, APFA y AZV, Chris Dammers no ta sincero cu pueblo pa conta di tur e medidanan cruel cu su gobierno di AVP a implementa pa supuestamente salba e fondonan aki, esta aumento di e edad di pensioen te 65 aña, aumento di e prima di AOV cu 2%, individualisacion di e prima di AOV, introduccion di e franchise y middelloonregeling, reduccion di e duurtetoeslag, reduccion di e porcentahe di acumulacion di pensioen, aumento di e BBO cu 2% pa BAZV, fiansa di 180 miyon florin pa hinca den APFA etc. Pues un y tur mes por mira cu ta e participante y pensionadonan mes a paga pa tur e medidanan aki sin cu gobierno a contribui cu fondonan extra!
Turismo y crecemento economico
Chris Dammers ta papia asina bunita di e desaroyo di nos turismo, pero ta hustamente bao di Gabinete Eman nos turismo desde 2014 a cuminsa duna señal di deteriorio. Den e ultimo rapport di Banco Central ta ser señala cu “since the fourth quarter of 2014, developments in tourism service exports have been less favorable than expected, when tourism receipts per visitor night moved to a downward path”. Tambe Banco Central ta premira cu e porcentahe di ocupacion di hotelnan, e ADR y RevPar tambe lo baha den 2016, pero Chris Dammers ta sigui biba den su mundo di fantasia.
Un otro mentira cu Chris Dammers a trece padilanti ta cu e crecemento economico na 2016 ta 6.7% y pa 2017 esaki lo ta 5.7% di nos GDP. Pero segun datonan oficial di Banco Central, e cifranan aki mester ta 0.4% na 2016 y 3.2% na 2017. Un diferencia grandisimo cu ta trece e pregunta: dicon Chris Dammers kier sigui manipula mente di pueblo y gaña asina tanto?
Finalmente, un y tur por mira cu Chris Dammers no tin ningun vision ni compromiso pa con por trece pais Aruba padilanti positivamente, pero desde siman pasa el a ser encarga exclusivamente pa bagatalisa e ex-gobierno di MEP y p’asina trata di halsa su propio gobierno fracasa di AVP.
Alavez Chris Dammers den su comunicado a lansa poco mentira cu ta su persona so por kere den dje. Ki curashi pa declara cu Gabinete Eman a construi un cantidad di edificionan, siendo tur hende por mira cu durante e ultimo 7 añanan nan no a construi ni un scol nobo, ningun cas social (casnan den Colony si el a percura pa su 2 yuchinan!), ningun facilidad deportivo, ningun cas pa anciano, ningun warda di polis y asina por sigui. No ta pornada cu CAFT a indica den su rapport di 29 di December 2014 cu Gabinete Eman no a inverti ni 1% di tur e gastonan di gobierno.
Fondonan di SVB, APFA y AZV
Pa loke ta e fondonan di SVB, APFA y AZV, Chris Dammers no ta sincero cu pueblo pa conta di tur e medidanan cruel cu su gobierno di AVP a implementa pa supuestamente salba e fondonan aki, esta aumento di e edad di pensioen te 65 aña, aumento di e prima di AOV cu 2%, individualisacion di e prima di AOV, introduccion di e franchise y middelloonregeling, reduccion di e duurtetoeslag, reduccion di e porcentahe di acumulacion di pensioen, aumento di e BBO cu 2% pa BAZV, fiansa di 180 miyon florin pa hinca den APFA etc. Pues un y tur mes por mira cu ta e participante y pensionadonan mes a paga pa tur e medidanan aki sin cu gobierno a contribui cu fondonan extra!
Turismo y crecemento economico
Chris Dammers ta papia asina bunita di e desaroyo di nos turismo, pero ta hustamente bao di Gabinete Eman nos turismo desde 2014 a cuminsa duna señal di deteriorio. Den e ultimo rapport di Banco Central ta ser señala cu “since the fourth quarter of 2014, developments in tourism service exports have been less favorable than expected, when tourism receipts per visitor night moved to a downward path”. Tambe Banco Central ta premira cu e porcentahe di ocupacion di hotelnan, e ADR y RevPar tambe lo baha den 2016, pero Chris Dammers ta sigui biba den su mundo di fantasia.
Un otro mentira cu Chris Dammers a trece padilanti ta cu e crecemento economico na 2016 ta 6.7% y pa 2017 esaki lo ta 5.7% di nos GDP. Pero segun datonan oficial di Banco Central, e cifranan aki mester ta 0.4% na 2016 y 3.2% na 2017. Un diferencia grandisimo cu ta trece e pregunta: dicon Chris Dammers kier sigui manipula mente di pueblo y gaña asina tanto?
Finalmente, un y tur por mira cu Chris Dammers no tin ningun vision ni compromiso pa con por trece pais Aruba padilanti positivamente, pero desde siman pasa el a ser encarga exclusivamente pa bagatalisa e ex-gobierno di MEP y p’asina trata di halsa su propio gobierno fracasa di AVP.
Expresionnan haci den e articulo aki no necesariamente ta refleha opinion di ArenaPoliti.co
Articulo similar
7 motibo pa laga Pueblo eligi su Gabinete
Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...
Sigui lesa...