Unda cu mi a move ultimo dianan den San Nicolas y vecindario mi a worde cuestiona riba e hecho cu districto di Oranjestad ta bolbe hanja un otro ciudadano pa occupa e posicion di Ministro mientras San Nicolas ta keda cu solamente un ministro. 

Ta kiko ta pasando sr. Nisbet…..??  Di con San Nicolas e districto pa cual tur partido ta lucha, bringa, parti placa…. Etc no por hanja e honor di por tin dos ministro bao di gobernacion di AVP ? Di con no a nombra sr. Allan Howell cu a logra 420 voto den pueblo ?? 

Nos pais tin: 

Min Pres Mike Eman   biba na Oranjestad, Min  Benny  Sevinger Oranjestad, Min A. Dowers  (Dakota/Oran), Min Angel Bermudez, Oranjestad, Min Hooyboer (TL/Oranjestad) y tabatatin x ministro Otmar Oduber naci y lanta na Oranjestad biba na Paradera.  San Nicolas tin solamente sr. Ministro Mike de Meza alias THE MESS.  Awor cu retiro di ministro Otmar Oduber si analisa e lista  AVP por a nombra sr. Allan Howell como Ministro cu a logra 420 voto durante ultimo eleccion ….di con esaki no a tuma lugar ?

Bao di e gobernacion di AVP a nombra awor e di tres posicion pa un ciudadano cu no tabata riba lista como ‘vakminister’ mientras cu a larga varios candidato cu  cierto capacidad y cu a figura riba lista di AVP un banda. Nan ta bon pa carga garoshi pero no ta bon pa sirbi comunidad.

Ora analisa locual a tuma lugar den seno di AVP, no por conclui cu e decision tin di haber cu interes general di pais Aruba.

Na prome lugar ora cu Min Pres a confronta prensa y pueblo e prome vez el a declara cu el a reuni cu Conseho di Ministro y cu fraccion di AVP y a hanja bendicion pa bai papia cu dos persona pa e posicionan cu a bin habri.  E no a papia cu conseho di AVP …cu otro palabra e otro miembronan di AVP no ta conta. Awor e ponencia cu no por nombra un miembro di Staten actualmente pasobra sr Otmar Oduber lo por bai cu un asiento di AVP nos por comprende ..apesar cu sr. Otmar Oduber a logra 4000 voto riba su nomber. Pero cu no a papia cu su Conseho di AVP y ja tabatatin dos nomber ta hopi remarkable. Anto pa declara cu awor e ‘formateur’ lo bai atende e asunto ta tuma nan hendenan hasi !! Un formateur ta hora bo ta forma e gobierno ….na momento cu e gobierno a keda forma ….cualkier ‘vacatura’ ta bira responsabilidad di e partido of partidonan cu ta forma gobierno y no formateur !!

Na San Nicolas hopi hende ta puntra unda e sosten di ministro Mike de Meza alias the Mess a keda pa sr. Allan Howell ??  Hopi ta ripiti nos informacion cu de Meza ‘himself’ tabata contra E no kier otro colega di partido di San Nicolas como  ministro ….e kier ‘all for himself’ y esey a conduci na e hecho cu Min Pres Eman y de Mesa alias THE MESS a reparti e ‘bolo’ y a duna ministerio di asunto Economico na sr. R. Arends como ‘vakminister’ y a tene e.o. sr. Allan Howell completamente afor di gobernacion….ta coordinador so e tin mag di ta.

PPA ta lamenta esaki sinceramente….un hoben cu a logra 420 voto den su prome salida y cu por a occupa e posicion di Ministro di Justicia si a tene un re-shuffling di e gabinete !! Pero e forzanan politico incluso di  de Meza alias THE MESS  y e forzanan di Oranjestad den seno di gabinete Mike Eman no a permiti esaki. Ni pa a duna un otro candidato di  Paradera, Noord of Sta Cruz cu no tin Ministro actual den e gabinete Mike Eman aki mes.  Ningun pero ningun no a hanja e honor aki …..Cu otro palabra gabinete Mike Eman a keda cu  SEIS ministro di Oranjestad, UNO di Noord, UNO di Savaneta y UNO di San Nicolas…..!  Esaki mientras cu  tin varios mas candidato riba lista di AVP cu por a hanja e honor aki. PPA a pensa riba sr. Allan Howell cu a ricibi 420 voto pero tin algun otro candidato cu tambe a bai busca confianza di pueblo y  ta forma parti di AVP. Awor  AVP  tin dos ciudadano no politico como Ministro di Finanzas y ministro di Asuntonan Economico y nan tabatatin un Ministro Plenipotenciaro cu no tabata riba lista tampoco.  Kada kende por saca nan propio conclusion…con AVP ta usa arubiano digno pa despues ‘dall nan un scop’ y pa mantene e forza  politico serce un grupo di Oranjestad.


Aruba, 30 di November 2016

Expresionnan haci den e articulo aki no necesariamente ta refleha opinion di ArenaPoliti.co