Pa varios anja caba Parlamentario mr. Andin Bikker a bin ta vociferando e introduccion di un tarifa reduci pa number pa autonan clasico. Den pasado Bikker a haya cooperacion di coleganan Parlamentario di hermana isla Corsow caminda tin un ley similar pa varios anja caba, popularmente conoci como e ley di "Wabi Club". A base di esey Andin a traha riba un pre-concepto di ley similar pa Aruba. Andin Bikker a presenta recientemente den preguntanan riba un ley ("verslag") cu ta bay haci cambionan den e ley di number di auto, un concepto di un amienda riba e tema. E idea pa reduci e tarifa pa number di automan clasico a wordo sosteni dor di Gobierno kende a base di esey a bin cu un nota di cambio pa cu esaki. Bikker ta contento cu Gobierno tabata tin oido pa e iniciativa aki, cu lo ta un logro pa varios persona cu tin un aprecio pa mantene autonan clasico. Andin Bikker ta líder di PDR y pa e sigiuente elección a uni forsa den e plataforma di union nobo POR: E Forsa Nobo. 

Expresionnan haci den e articulo aki no necesariamente ta refleha opinion di ArenaPoliti.co