No ta MEP a yama "vragenuur" cu Minister Hooijboer, ta AVP a yama un "vragenuur'!
Partido MEP a tuma nota di un articulo di Mervin Ras atacando lider di MEP. Segun Mervin Ras, MEP a pidi un reunion cu minister Hooijboer, pero lider di MEP mes no ta bin reunion. Ta bira tempo pa un hende puntra Mervin Ras si e no ta cansa di yora tras di lider di MEP Evelyn Wever-Croes, pasobra e yoradera aki ta masha infantil.

Mervin Ras ta un ganjado y manipulado. E sa masha bon cu minister Hooijboer a bai parlamento dialuna ultimo den un VRAGENUUR. Ningun momento MEP ni lider di MEP a pidi e vragenuur ey cu minister Hooijboer. Ta algun parlamentario di AVP entre nan Jeffrey kelly a pidi e vragenuur cu minister Hooijber, y pues ta e parlamentarionan ey mester ta presente.

Esnan cu NO a pidi e reunion mag di ta presente, pero ta haya 1 MINUUT so pa hasi pregunta! Un regla masha absurdo, cu ta mustra cu esun cu pidi e vragenuur tin derecho di hasi pregunta, pasobra ta SU reunion.

Mervin Ras sa esaki masha bon y ta ganja skibi coi loco djis pa desacredita lider di MEP? Of Mervin Ras NO conose su trabou?

Ta di conseha Mervin Ras pa e bai studia su reglanan y stop di yora tras di MEP. Bo mes a scohe pa drenta AVP, carga bo consequencia!

Expresionnan haci den e articulo aki no necesariamente ta refleha opinion di ArenaPoliti.co