Mientras e reunionnan di Tripartiet tabata andando, lider di MEP a cuminsa cu reunionnan na Parlamento Hulandes den preparacion pa e IPKO
Diamars MEP a reuni cu parlamentario Andre Bosman di VVD. E ta e parlamentario mas critico riba tereno di Reino y ta importante pa e sa con e situacion real ta na Aruba.
"Mi a splike cu e situacion na Aruba ta dificil y cu mi ta hopi preocupa pa e bienestar en bista di tur e medidanan na caminda. Pasobra no ta pueblo a gasta e placa y pues no ta husta pa pueblo bai paga awor. Mi a enfatisa tambe con equiboca e prioridadnan di gobierno ta pasobra nan ta prefera di aumenta e BBO cu 1% en bes di manda dos minister cas.
Mirando cu ta for di Hulanda lo fiha e maneho financiero di nos pais mi peticion na dje tabata pa no baha cu man pisa riba nos pueblo. E reunion a bai bon. Mas y mas portanan ta habri pa MEP. No ta tur ora mi ta di acuerdo cu sr Bosman, sinembargo ta importante pa splik'e cu no ta husto cu awor ta pueblo mester paga pa erornan di Mike Eman y su gabinete" lider di MEP Evelyn Wever Croes a duna di conose.

Expresionnan haci den e articulo aki no necesariamente ta refleha opinion di ArenaPoliti.co