Nos tin cu duna Cesar loke ta Cesar y un sigur un cos cu Otmar Oduber ta hopi bin aden ta di ganja, malinforma y manipula pueblo. Ayera pa mas cu 1 ora largo por a scucha Otmar Oduber trece cifranan di turismo dilanti den un forma hopi manipulativo. Diripiente ta cuminsa haci comparacion di nos cifranan di turismo cu cifranan den Caribe. Den pasado ora tawata tin crecemento den turismo semper e minister di turismo ta referi na e crecemento den comparacion cu e anja anterior. Awor cu e situacion a cambia y tin caida den nos turismo e mester hustifca esaki comparando nos cu pais den region di Caribe. Ta mesun caso cu su colega Dowers ta haci ira e bisa cu na Aruba no ta hopi criminalidad cpmara cu otro paisnan den Caribe.
Nos tey pa informa pueblo correctamente sin tin mester di ganja, manipula of malinforma. Nos tin preocupacionan real cu nos turismo mirando e ultimo datosnan cu tin disponibel. Na e momentonan aki te hasta e cantidad di bishitante (stayovers) ta cayendo. Turismo stayover a cai na luna di Mei 2016 cu: 7.7% cual tawata un caida di 7000 turista  Turismo stayover a cai na luna di juni 2016 cu: 0.9% cual tawata un caida di 1000 turista. Aki ta mira claramente con minister Oduber kier manipula cu cifranan. Ta stranjo cu nos no a scuche menciona cu tin caida den cantidad di bishitante pa 2 luna consecutivo. Normalmente ora tin crecemento ta cada rato e referi na crecemento di bishitante pero awor cu tin caida e tawata hopi keto.
Nos ta lamenta cu minister di turismo kier hunga cu cifra manera e ta haya ta bon sin presenta e situacion real na communidad. Turismo ningun hende por haci wega cu y mucho menos Otmar Oduber. Nos ta demasiado dependiente di turismo pa sinta hunga cu emoecionan di pueblo y keda presenta un situacion cu no ta cuadra cu realidad.
No solamente e cantidad di stayoversnan ta cayendo sino tambe e grado di ouccpacion di cambernan di hotel. Banda di esaki e REV PAR a cai dramaticamente cu 17.2% na april 2016, sigui cai cu 3.8% na mei 2016.
Ora repasa e cifranan aki no por conclui otro cu turismo no ta loke Otmar Oduber ta pretende cu e ta. E cifranan mes ta contradeci tur su ponencianan.
Nos di MEP ta kere den nos hendenan y ta kere den un sector di turismo fuerte caminda mester respeta tur e partnertnan strategico y no hunga cu nos unico pilar economico. Turismo no tey pa probecho personal di minister y su amigonan sino turismo mester trece bieniesstar pa tur hogar riba e pais aki.

Expresionnan haci den e articulo aki no necesariamente ta refleha opinion di ArenaPoliti.co