Parlamentario di AVP tambe a haya camara instala na su cas?
Fraccion di MEP ya casi dos siman pasa a hasi pregunta na Minister de Meza tocante e publicacionnan cu ta mustra dede riba directiva di Lotto pa Deporte. Ta trata di e caso den cual e directiva a usa 72 mil florin di Lotto pa Deporte, pa instala camera di seguridad na nan mesun cas. En ves cu e placa wordo inverti den deporte, e ta wordo usa pa privilegia miembronan di directiva? Esey ta e gran pregunta. E minister ainda no a contesta e preguntanan di Fraccion di MEP den Parlamento.

Den e preguntanan tin tambe un pregunta relaciona cu e papel di un Parlamentario di AVP den esaki: e parlamentario aki tambe a haya instalacion di camera di seguridad na su cas riba costo di Lotto pa Deporte?

E silencio di e minister ta stranjo, y ta pone hende pensa cu akitras tin algo scondi.

Expresionnan haci den e articulo aki no necesariamente ta refleha opinion di ArenaPoliti.co