Evelyn Wever-Croes (MEP): Carta pa Gobierno y Parlamento Hulandes duna cuenta kiko a pasa cu Mitch Henriquez
ORANJESTAD -- Fraccion di MEP den Parlamento a manda un carta pa gobierno y parlamento hulandes a raiz di e morto di e Arubiano Mitch Henriquez despues di a wordo aresta na forma masha brutal pa polis hulandes.
E imagennan di foto y video cu a yega Aruba a conmove henter nos comunidad. Parlamentarionan mesora a cuminsa busca pa haya mas informacion atraves di ministerio di asuntonan di Reino y Minister Plenipotenciario di Aruba na Hulanda.
"Manera cu mi a haya e noticia cruel mi a tuma contacto cu ministerio encarga cu asuntonan di Reino y cu Minister Plenipotenciario, y awe nos a manda un carta pa Prome Minister Rutte, Minister di Husticia Hulandes, Minister encarga cu asuntonan di Reino y Parlamento Hulandes pa hasi un investigacion profundo den tur locual a socede, y pa informa nos mas pronto cu ta posibel. No tur ora nos por preveni inhusticia, pero nos lo lucha si pa husticia vence. Nos ta wardando contesta riba nos carta, pa evalua sigiente pasonan.
E morto di nos amigo Mitch a shock henter nos comunidad, y si famia y amigonan merese di haya sa kiko a pasa. Comunidad henter merece cu un investigacion profundo y obhetivo wordo hasi, y pa esnan responsabel carga nan responsabilidad. Nos ta desea famia di Mitch, su Mama Maria, su rumannan, su pareha, su yiunan hopi forsa den e tempo dificil nan dilanti, y cu Mitch sosega na paz", palabranan di Evelyn Wever-Croes, lider di fraccion di MEP.
E imagennan di foto y video cu a yega Aruba a conmove henter nos comunidad. Parlamentarionan mesora a cuminsa busca pa haya mas informacion atraves di ministerio di asuntonan di Reino y Minister Plenipotenciario di Aruba na Hulanda.
"Manera cu mi a haya e noticia cruel mi a tuma contacto cu ministerio encarga cu asuntonan di Reino y cu Minister Plenipotenciario, y awe nos a manda un carta pa Prome Minister Rutte, Minister di Husticia Hulandes, Minister encarga cu asuntonan di Reino y Parlamento Hulandes pa hasi un investigacion profundo den tur locual a socede, y pa informa nos mas pronto cu ta posibel. No tur ora nos por preveni inhusticia, pero nos lo lucha si pa husticia vence. Nos ta wardando contesta riba nos carta, pa evalua sigiente pasonan.
E morto di nos amigo Mitch a shock henter nos comunidad, y si famia y amigonan merese di haya sa kiko a pasa. Comunidad henter merece cu un investigacion profundo y obhetivo wordo hasi, y pa esnan responsabel carga nan responsabilidad. Nos ta desea famia di Mitch, su Mama Maria, su rumannan, su pareha, su yiunan hopi forsa den e tempo dificil nan dilanti, y cu Mitch sosega na paz", palabranan di Evelyn Wever-Croes, lider di fraccion di MEP.
Expresionnan haci den e articulo aki no necesariamente ta refleha opinion di ArenaPoliti.co