Evelyn Wever-Croes: paga belasting ta un deber, pero no paga belasting dimas si!
Lider di MEP Evelyn Wever-Croes a anuncia e campanja anual pa yuda yena formulario di belasting 2013. Ya pa 5 anja partido MEP ta organisa e actividad exitoso aki den cual ta yuda miles di persona na Cede di MEP. Y e anja aki e campanja ta tuma lugar;
- diasabra 11 okt di 9or am pa 3or pm
- diamars 14 okt 6or pa 9or pm
- diahuebs 16 oktober 6or pa 9or pm
- diasabra 18 oktober 9or am pa 3or pm
Trese tur bo documentonan: comprobante di entrada di salario of pensioen, comprobante di interes paga riba hipoteca of otro fiansa, comprobante di prima paga di seguro di bida, y si bo tin yiu ta studia den exterior trese comprobante cu e ta inscribi na universidad, pago di buki, etc.
"Pami ta un placer pa un biaha mas por brinda e ayudo aki na tur cu mester di ayudo. Paga belasting ta un deber di nos tur, pero no paga belasting dimas si" segun Evelyn Wever-Croes.
Expresionnan haci den e articulo aki no necesariamente ta refleha opinion di ArenaPoliti.co