PERIODO ESCOGI PA ANUNCIA ACUERDO (?)…..

Na prome lugar tanten cu e Conferencia riba ‘climate change’ tabata tumando lugar na Paris, Francia gobierno di Aruba cu ta pretende di ta hiba un maneho ‘green’ NO tabata desea pa mundo henter sa cu Aruba lo tabata negociando re-apertura di un refineria cu sigur no ta ‘green’. !! Na di dos lugar Bispo di Pasco gabinete Mike Eman a scoge pa informa pueblo cu nan a firma un asina jama ‘heads of Agreement’ cu CITGO pasobra den e periodo di pasco pueblo no tin hopi atencion pa asuntonan di gobernacion y pa algun dia despues no tin courant …cual ta forza pueblo pa mira e aspecto positivo di un posibel ‘reapertura’ sin dedica mucho atencion na e contenido di e acuerdo. Partido PPA sinembargo ta sintiele como nos ‘derecho y deber’ pa ta critico riba e acuerdo(nan) y nan contenido …sabiendo e ‘mal resultado’ di e acuerdo cu ministro Mike de Meza a negocia na 2010 !!

POR FIN E REFINERIA TA BAI BIRA DI PAIS ARUBA ??

Ministro Mike de Meza ta pone hopi atencion riba e hecho cu ‘por fin’ e refineria ta den bira di pais Aruba. PPA mester puntra ….di cual dia tabata existi e deseo ‘nacional’ na Aruba pa e refineria bira propiedad di pais Aruba ?? Kiko ta e responsabilidad cu esaki ta trece cunele ?? Y cu e ‘crisis financiero’ cu Aruba su gobierno NO por paga y ta presionando pueblo pa medio di medida, Aruba por carga e debernan di ser donjo di e refineria ta trece cunele ?? Ironia den esaki ta cu for di defende e intencion pa ‘desmantala’ e refineria(obseloto ) awor ta bira donjo di e refineria obseloto .. cu kier a desmantela !!

ACUERDO CU VALERO ??

Ta hopi stranjo cu durante e Conferencia di Prensa teni, ministronan a pone accento riba nan acuerdo cu CITGO mientras no ta menciona mucho/nada di nan acuerdo cu Valero ! Aruba a jega na un acuerdo cu Valero ?? Kiko e acuerdo cu Valero ta ensera ?? Kiko ta e prijs cu Aruba mester paga pa cumpra e refineria obseloto di Valero cu te cu algun luna atras gobierno kier a larga desmantela ??? Un prijs na ‘cash’ ??? Un prijs na duna Valero e libertad cu Valero ta bai SIN clean up nada, sin pone un suma di entre ( 200 pa 350 miljon dollar) riba un account …..pa Aruba por usa si jega e dia pa cu e ‘clean up’ aki bira necesario ?? Si nos sigui e declaracion di Ministro Presidente Eman aparentemente lo ta intencion pa Aruba tuma over/cumpra e ‘Compania di Mercadeo’ di Valero y lo por tin e posibilidad di tanto exploitele como bendele cu un tercer………..pa cuanto ta tuma/cumpra esaki ?? Cuanto e debernan di Aruba lo ta den e periodo prome cu bendele ???? No a menciona nada di e TANKINAN cu segun acuerdo di e propio gobierno cu Valero di 2010 Valero lo tin e derecho di keda cu tur Tanki pa e proximo 20 anja…….Kiko lo sosode awor….??? E tankinan lo worde entrega junto cu e Refineria ??

E HAF DI SAN NICOLAS ??

Notable tabata cu ni Ministro de Meza, ni Min Pres Eman no a menciona nada di e haf di San Nicolas !! Na prome lugar segun opinion di PPA e valor commercial di e haf na San Nicolas lo ta mucho mas cu e Refineria completo….nos sa cu lo tin cu lo tin un otro opinion pero PPA ta mantene nos opinion cu comercialmente e haf di San Nicolas bal mucho mas cu e Refineria !! Con a para cu e punto aki dentro di e acuerdo cu Valero …….E haf ta worde retorna den man di pais Aruba tambe !! E ponencia cu e trabao den haf lo por worde ejerce pa Aruba Ports Authority ta bisa algo pero no suficiente ( e parti aki ta ‘peanuts’) compara si Aruba por ta donjo di e haf completo incluso e SEABERTHS !! Y PPA ta di opinion cu gobierno di Aruba debe nos pueblo mucho mas informacion riba e aspecto aki.

ACUERDO cu CITGO …??

E hecho cu gobierno lo bai tuma over/cumpra e refineria ta ‘spreek boekdelen’ …esaki ta nifica cu probablemente CITGO no a desea di tuma/cumpra e refineria di Valero pa nan no tuma over e responsabilidad pa carga un ‘clean up’ den futuro cercano !!!

E hecho cu door di tuma e refineria segun Min Pres Eman Aruba lo ta responsabel tambe pa un ‘refineria green’ esaki pa PPA ta suficiente esta cu CITGO a bisa gobierno di Aruba cu nan NO lo ta responsabel pa nada ‘GREEN’ y si Aruba kier un ‘refineria green’ Aruba mes tuma e responsabilidad aki, pesey Aruba a worde hinca ta cumpra/tuma over refineria pero unda e consecuencianan di esaki lo por core den milliones cu den futuro lo ta responsabilidad pa pueblo paga ??

E hecho cu gobierno ta papia di tuma over/cumpra e ‘compania di mercadeo tambe ta indica hopi esta cu CITGO lo tin menos atencion pa e parti aki como cu CITGO su meta lo ta pa sirbi interes di PDVSA cu na e momento aki tin mester di NAFTA pa un periodo…..y nada mas……consecuentemente Aruba ta tumando over un responsabilidad cu normalmente un compania /Refineria tabatatin e pregunta ta …den Kiko Aruba a hinca su curpa cu e ‘deal’ aki ?

Si ta gaba cu a proteha e trahador local…..a hinca den e e acuerdonan e deber pa funda un scol di refineria estilo LAGO den pasado ??? Pasobra si tuma e ultimo periodo di VALERO kizas esnan cu tabata traha directo pa VALERO lo tabata un 80/85 % arubiano/local, pero esnan cu tabata traha pa e contratistanan tabata en grande trahadornan di exterior (Venezolano, Jamaicino, Trinidadians etc ) !!
Un otro punto importante segun PPA ta cu cual energia lo sigui opera e refineria esta usando crudo of a duna CITGO e derecho di usa LNG ?? Anto si acaso ta e ultimo ….lo ta bon pa informa pueblo di Aruba bao di cual condicionan di seguridad esaki lo tuma lugar ??

CORSOW DONJO DI SU REFINERIA ???

Pa justifica e ‘deal’ aki aparentemente ta mustra cu Corsow a bira donjo di e Refineria na Corsow dus Aruba tambe por……shonnan 30 anja pasa bao di e circumstancianan Internacional di e tempo ey tabata un ‘rissico’ pa Corsow tuma e responsabilidadnan aki over y tur consecuencia cu esaki ta trece cunele. PPA ta cuestiona cu si ta responsabel pa awe bao di circumstancinan di 2015 pa Aruba pretende cu tuma e propiedad di un refineria over cu e consecuencianan cu esaki ta trece cunele. Tanten cu e refineria ta ‘drei’ y cu tin un cierto cantidad di cupo di trabao kizas politiconan/gobernantenan na Aruba por sconde trey di e palabranan di un ‘bon deal’ cu a worde firma pero na e momento cu esaki no ta e caso mas y no por hanja otro pa continua …..anto banda di e crisis financiero cu Aruba ta den pa e proximo 20 anja Aruba lo tin un otro peso enorme na nos garganta esta pa Aruba ‘clean up’ un refineria cu a worde usa pa varios ‘gigante’ den e mundo di crudo pero unda TUR a logra bandona Aruba SIN paga un ‘depchi’ pa un eventual ‘clean up’ den futuro. Anto bao di e situacion aki gobernantenan kier ganja pueblo cu e ‘deal’ lo por ta un bon deal !! Nos di PPA tin nos preguntanan hopi serio riba e materia aki ……y nos ta accentua …nos ta PRO reapertura ….pero no a costo di todo !!

Gobierno di Aruba debe mucho mas informacion na pueblo di Aruba riba e materia aki y mester stop di sconde tras di pasco, anja nobo y carnival pa pasa ‘dealnan cuestionable’ …cu den futuro pueblo di Aruba y generacionan cu ta sigui nos lo keda hinca cu e consecuencianan dramatico !!

Aruba, 26 di December 2015
Lider Politico di PPA
Benny Nisbet

Expresionnan haci den e articulo aki no necesariamente ta refleha opinion di ArenaPoliti.co