Andin Bikker (PDR) den conferencia di prensa: Si e minister cu si ta traha a evalua su retiro resto di gabinete mester saca su conclusion
Andin Bikker, lider di PDR a habri su conferencia di prensa semanal, prome pa loke ta e aña cu a cuminza, expresando cu awor cu e Minister cu si ta traha a anuncia cu lo evalua su retiro e gabinete Eman of almenos esnan cu ta hunga tambe evalua nan retiro.
Segun Bikker e Minister Otmar Oduber a haci un trabao ehemplar riba tereno di turismo, cargando nos economia, y si el a anuncia cu lo evalua su retiro ta pa motibo cu e ta hopi frustra cu e mal maneho di cierto ministernan, vooral esnan Husticia y Infrastructura.
El a bisa cu mundo ta riba su cabes awor pasobra e persona cu ta cargando nos economia, cu ta trahando y cu no ta perde tempo pa sinta critica ‘lens and recht’ y e persona cu no ta busca excuse, el a anuncia cu e ta tuma su retiro, y e otro ministernan ta keda gewoon sinta eynan.
Bikker a bisa cu tur mocion di desconfianza cu a wordo pasa contra Minister di Husticia a haya hustificacion, pasobra no ta oposicion ta haciendo fastioso manera e minister aki ta pensa, oposicion a haya razon tocante mal maneho di husticia.
Pero tambe e Minister di Infrastructura a duna motibo pa e minister dinamico a anuncia cu e ta bay retira pasobra e ta dunando permiso lens en recht pa construi hotel den areanan residencial contra leynan di regulacion di tereno.
Bikker ta enfatiza cu e ministernan aki sikiera e dos menciona mester saca nan conclusion y realiza cu e desaroyo aki no por sigui.
Expresionnan haci den e articulo aki no necesariamente ta refleha opinion di ArenaPoliti.co