Manera nos a priminti nos Digno Pueblo, MEP lo keda alerta y vigilante di e proceso pa logra e REAPERTURA di e REFINERIA di nos Pueblo cu tanto nos a lucha pe.

Nos lo no lubida y nos Digno Pueblo lo no lubida con apenas na Mei anja pasá Gobierno di AVP a anuncia cu Valero lo cuminsa desmantela e REFINERIA di Aruba.

Esey ta loke a pone nos di MEP haci TUR intento pa impedi Gabinete Mike Eman y Valero desmantela e REFINERIA. Esey a conduci na e reunion anja pasá entre PDVSA y mi persona como Parlamentario di Pueblo pa MEP cual reunion tawata instrumental pa PDVSA authoriza CITGO bolbe bek na mesa cu Gobierno di Aruba a base dine proposicion cu ma hasi na PDVSA pa nos HABRI e REFINERIA usando e Modelo di Korsow.

Nos a logra tambe y awe faltando 6 siman pa e acuerdo final pa HABRI E REFINERIA DI NOS PUEBLO nos ta keda alerta y vigilante. Pero tambe nos lo keda pone e presion positivo y APORTA GRANDEMENTE pa PDVSA CITGO Y GOBIERNO VENEZOLANO KEDA COMPROMETI CU E PUEBLO ARUBIANO PA E REFINERIA DI ARUBA HABRI BEK.

Pesey siman pasá mi a reuni cu PDVSA den e siman crucial cu Gobierno di Aruba mester a keda cu Valero pa asina Gobierno di Aruba FINALISA cu CITGO (Mira potret adhunto Jesus Luongo Vice Presidente di PDVSA y Glenbert Croes).

Realidad di henter e situacion pa e reapertura di e REFINERIA ta cu ta PDVSA Y EN PARTICULAR PRESIDENTE DI VENEZUELA tin e decision final pa tuma. Ta pesey mi esfuersonan na Venezuela pa
SIGURA e APROBACION di PDVSA Y GOBIERNO DI VENEZUELA pa HABRI e REFINERIA di Aruba bek.

Mi ta desea di expresa mi y nos confiansa den CITGO PDVSA y GOBIERNO VENEZOLANO su compromiso cu nos Digno Pueblo pa HABRI e REFINERIA di Aruba. Cu responsabilidad y cu e seriedad maximo mi por bisa nos Digno Pueblo: E REFINERIA DI NOS PUEBLO TA HABRI.

Expresionnan haci den e articulo aki no necesariamente ta refleha opinion di ArenaPoliti.co