A rais di e informacionnan falso cu a cuminsa circula cu PDVSA CITGO lo a pidi Gobierno di Aruba pa pospone e reapertura di e refineria di Aruba te otro anja, mi kier enfaticamente rechasa e noticia falso aki. En honor a la berdad pa conocimiento di henter nos Digno Pueblo ta importante pa nos Pueblo ta na altura cu ta propio Gobierno di Aruba ta esun cu a dirigi un carta na Gobierno di Venezuela PDVSA y CITGO pidiendo pa pospone e fecha pa un luna mas dor cu e negociacionnan entre Gobierno di Aruba y Valero ta tumando mas tempo di loke a wordo premira.

Mi a compronde cu e team negociador di Aruba ta haciendo nan maximo esfuerzo pa finalisa e negociacionnan cu Valero ainda e siman aki pa asina firma otro siman. Di nos banda nos kier pa team negociador sa cu nan tin nos apoyo completo pa finalisa un acuerdo Valero lo mas pronto cu ta posible y nos ta pidi nan NO LAGA VALERO REK E NEGOCIACIONNAN MAS TEMPO.

Loke ta increible si haciendo refleccion riba e noticianan negativo cu ta saliendo referente e reapertura di e refineria di Aruba, ta obvio cu e ENEMIGONAN NA ARUBA DI E REAPERTURA DI E REFINERIA AINDA TA OBRANDO Y TA PURBANDO TODO POR TODO AINDA PA OBSTACULISA E REAPERTURA.

Nos como Pueblo cu awor legalmente tambe nos Pueblo ta bira donjo di e Refineria, pa defende e patrimonio aki di nos Pueblo nos mester keda alerta pa cualke wega sea di cua skina cu e ta bin.

Mi por confirma na nos Digno Pueblo cu VENEZUELA PDVSA CITGO TA FIEL NA E COMPROMISO CU NOS PUEBLO PA HABRI E REFINERIA BEK. Nos kier pa GOBIERNO DI VENEZUELA PDVSA CITGO SA y nos ta pidi nos Amigo Consul General di Republica Bolivariana de Venezuela transmiti esaki: NOS DIGNO PUEBLO TA UN PUEBLO AGRADECIDO NA E SOLIDARIDAD DI E PUEBLO VENEZOLANO, GOBIERNO DI VENEZUELA PDVSA Y CITGO PA A RESCATA NOS REFINERIA CU AWE TA BIRA PATRIMIO BERDADERO Y PA SEMPER DI HENTER NOS PUEBLO Y FUTURO GENERACIONNAN.

Glenbert F.Croes
Miembro di Parlamento
Fraccion di MEP

Expresionnan haci den e articulo aki no necesariamente ta refleha opinion di ArenaPoliti.co