Prome Minister Mike Eman: FCCA ultimo añanan no a construi cas pero a crea hogar pa e ciudadanonan
![161130 eman fcca 1](/cache/klixowatermark/7764fe8a37b09c25888f1421d902e993.jpg)
ORANJESTAD – Prome Minister Mike Eman tabatin elogio pa staff y personal completo di FCCA durante ceremonia di ponemento di prome piedra pa e Proyecto Senioren Woning na Savaneta. E fundacion a traha hunto cu Gabinete Mike Eman I y II pa embeyece barionan di Aruba y crea un hogar pa su clientenan, enbes di simplemente un cas.
“Algo cu nos mes a bin ta haci hunto cu FCCA y cu Aruba ta brasa cu un admiracion y aprecio grandi ta renobacion di barionan,” Eman a bisa den un discurso na un evento di FCCA diaranson mainta na Savaneta. E mandatario a bisa cu den e añanan cu tabata ansioso pa traha cas, a construi cas unda cu no tabatin infrastructura, caminda, mata ni cura. “Djis pa bisa cu a traha cas. En realidad a traha cuatro muraya cu un dak riba nan, pero nan no a traha un hogar pa nos hendenan. Nos a bay bek y a coregi e situacion di añanan 70, 80 y 90.”
![161130 eman fcca 2](/images/2016-Q4/161130-eman-fcca-2.jpg)
Awo cu ta avansando riba e mehoracion ariba menciona, FCCA a cuminsa concentra tambe riba cas pa e grandinan por biba hunto pero di un forma independiente, den nan propio bario.
![161130 eman fcca 3](/images/2016-Q4/161130-eman-fcca-3.jpg)
Expresionnan haci den e articulo aki no necesariamente ta refleha opinion di ArenaPoliti.co