Pueblo di Aruba ta den un crisis/caos/desaster  jamas bisto den historia politico di nos pais. Ni den e periodo di nos Eilandsraad ni den e periodo di nos ‘constitucion’ Aruba no a jega na e crisis/caos/disaster cu nos pais ta den.  Esey ta e realidad amargo ….e consecuencia  primeramente prome  DOS biyon florin na debe di tanto signatura berde como geel.  E sigiente parti di e debenan cu ta alrededor di un SEIS biyon florin  a worde crea bao di flamante gobernacion Mike Eman 1 y 2 cu den su prome parti como   ministro di Finanzas sr. Mike de Meza alias ‘the mess’. 

Esaki ta e consecuencia grandemente di e hecho cu ultimo 16 anja  pueblo a confia un solo partido esta primeramente MEP como despues AVP pa goberna pais Aruba cu un ‘majoria absoluto’ cu ta ensera cu e mesun partido tin ‘full e gobierno….esta TUR ministerio’ y nan tin e PRESIDENCIA di parlamento  y un majoria di  tempo ta bira un parlamento di  ‘popchi’  cu ta reuni ora  ….gobierno dicidi ….y ta actua cu ordo di gobierno minimalisando e rol constitucional di nos parlamento. 

Un majoria absoluto  den tanto gobernacion di MEP como gobernacion di AVP a contribui engrande  na e crisis di pais Aruba riba varios tereno.  E crisis financiero, e crisis economico, e pobreza,  e  dump na parkietenbos, e  hotel Bushiri projecto di PPA cu a bai perdi bao di gobernacion di AVP/MEP y mucho mucho mas.

Pesey e eleccion 2017 ta un oportunidad pa pueblo tuma un decision pa limita e poder di partido politico representa den parlamento …pa asina evita un repiticion di e  drama politico actual…door di crea e necesidad pa partido politico por traha cu otro pa logra un miho nivel di gobernacion. E eleccion aki mester por mustra cu nos pueblo tin e inteligencia pa tuma un decision clave pa pone un stop na malgobernacion…un stop na corrupcion….un stop na  gobernacion pa sirbi interes di ‘friends & family’ di tanto berde como geel y cualkier otro color politico.  Ta un hecho conoci den mundo  esta e  expression cu a hanja contenido internacional bao di sr. John Emerich Edward Dalbery conoci como Lord Acton un politico Britanico (1824 -1902) cu a expresa y accentua  ‘Power corrupts: Absolute power corrupts absolutely esta  ‘poder ta corumpi  poder absoluto ta corumpi absolutamente’.

E solo hecho cu e partido  MEP  den su conferencia di prensa ta expresa cu nan MEP ta boga pa hanja un mandato  absoluto di pueblo pa continua cu e  epoca di  poder absolute esta e origen di e miseria cu pueblo ta bibando aden ….mester habri wowo di hopi conciudadano y pone nos sociedad preucupa profundamente.

PPA ta ripiti ….Pueblo tin un oportunidad UNICO pa pone un paro absoluto na  ‘poder absoluto’ riba nos Isla….door di reparti voto di pueblo riba un variacion di partido politico. P’asina  forsa  na forma democratico un ‘ reparticion di e poder di un gobierno’ pero tambe un ‘control severo’ di un partido politico riba otro den gobierno y den parlamento.

Si awe pueblo ta sufri di  mal gobernacion…..crisis financiero….crisis economico….. pobreza…..hedging…..Lotto…… y  interes di ‘friends & family  y un parlamento cu no ta ni reuni pa discuti un escandalo di posibel corupcion di un ministro ta e consecuencia directo di  ‘poder di un solo partido’. Wak con den un momento  di acusacionan contra un Ministro …con  parlamento di Aruba no por  ni reuni pa evalua e situacion serio aki y saca un conclusion di e situacion aki . Aparentemente MEP kier ripiti e capitulo scur aki bao di e pretext ‘AVP ta pega….pero MEP no’ …pero  e expression di Lord Acton ta bisa ‘Poder ta corumpi …poder absoluto ta corumpi absoluto’ A jega e momento pa pueblo lanta para na september proximo y rechasa ‘poder absoluto’ di un solo partido riba nos Isla.

PPA ta participa den e encuentro democratico  2017 cu  un mensahe politico  esta  pa hiba ‘Aruba pa e Proximo Nivel’    LevelUp  Switch y vota PPA….pa asina pa medio nos representacion den parlamento y gobernacion nos por participa den un epoca di ‘good governance’ y contribui na soluccionan riba un variacion di tereno cu ta den problema serio riba nos isla.

E mentalidad di cierto partido politico pa despues di e crisis/caos/disaster  di  atrobe otro partido politico su so pa grita y informa pueblo cu nan ta bay pa un mandato absoluto ta demonstra cu nan mentalidad tambe ta problematico…….nan ta bisa  pueblo  ‘Nan NO pero NOS si’ …..esaki ta justamente e mentalidad cu mester worde rechasa redondamente pa nos pueblo.

PPA lo respeta otro partido y miembro di parlamento….nos lo controla nan y nan lo controla nos esey ta e caminda di democracia cu por pone e fundeshi pa salba nos pais Aruba.

‘Aruba pa e Proximo Nivel’ cu respet y control di TUR cu ta den parlamento y/of e proximo gobierno !!


Aruba,  19 april 2017
BENNY NISBET
Lider Politico di PPA

Expresionnan haci den e articulo aki no necesariamente ta refleha opinion di ArenaPoliti.co