Tomati putri nr. 4: e aventuranan cerca huez di “Rotmarop” Oduber.
“Rotmaarop” Oduber di berdad ta perdiendo TUR su casonan dilanti di mesa berde; nada straño anto cu e ta super nervioso. E mes no ta pensando ainda di retira, pero esey pronto mester ta e caso, ora cu denuncianan contra dje wordo trata.
“OtjePotje” a perde su caso contra sr. Chamaco v.d. Linden, y ela perde su “hoger beroep” contra sra. Edwina Henriquez. Ademas di eseynan ela perde tambe e caso cu ela cuminza contra mi persona relaciona cu mi acusacionnan di cu e ta corupto, y cu e ta comete fraude den e proyecto di Hard Rock Hotel di su amiguita Tico Croes y famia di esaki; y awor e ta bay haya un otro keho den su stoma di mi, a consecuencia di su conferencia di prensa estupido di diamars dia 20 di januari ultimo riba mi persona...... preparabo, pasobra esey ta bay bira un joya.... esey ta bay coste placa!
Y esey e mester gradici su hefe p’e, Mike e Eman trastorna, kende a ponele bao di presion enorme pa e defende su mes contra mi atakenan.
E dosnan ey awor ta den un pleito formal; nan dos no por pasa hunto mas door di un porta, y esey sigur no ta pa motibo di e tamaño di e barica di Dumbo!!
E luna aki pa “Rotmarop” Oduber mi a scohe un tomati hopi putri, di berdad un tomati cu ta gana tur competencia pa putrí! Bon probecho, Otje!

Tomati putri nr. 3: Tur cos ta un porkeria completo riba Aruba!!
E listanan di tur locual NO ta sirbi riba Aruba, berdad ta birando hopi largo; e lista di cosnan cu ta bay bon riba Aruba, ta cortico of no ta existi mes! Wak e actuacion di polis durante e “fakkel-optocht”, e actuacion à la Dirty Harry pa un motorcycle perdi; un choller ta desaparece pa 3 luna den cel; fronteranan di Aruba ta keda habri pa ilegalnan; douane ta manifesta cerca minister Bermudez; administracion di henter gobierno casi no ta existi; nada no ta sirbi cu y den nos enseñanza, tampoco cu y na e mantenimento di schoolnan; salubridad a yega e nivel di mas abao, turismo ta funciona di acuerdo cu raportnan di cifranan falsifica y fraudulento di Tanta Sidonia y Otje Potje Oduber; henter e maneho financiero ta na werki, no tin un maneho economico; no tin un maneho di admision pa stranheronan, no tin un maneho riba criminalidad, schoolnan ta sera; bo por imagina bo mes algo cu SÍ ta bay bon, algo cu SÍ e gobierno aki ta haci bon? Mi ta pensa, y mi ta pensa, y mi ta kibra mi cabez di tanto pensa, pero mi no por menciona NADA cu di berdad ta bay bon; nada. ABSOLUTAMENTE NADA !!

Tomati putri nr. 2: Mike, e Eman trastorna ta kima su balanan.
E noticia jolly aki nos a lesa den corantnan di dialuna, 5 di januari 2015.
Ora cu e Mike trastorna a bay cende un pagara cerca di e cas di partido AVP, pa un descuido ela kima su balanan.
Tur caminda riba Aruba bo por a tende mesun comentario gracioso riba e sucedido aki: “No ta nada, swa, e no ta usa nan toch!”
Asina nos estimado Mike ta conoci riba Aruba. Ta un minister-president asina Aruba tin! Ainda Mike no a recupera di e accidente ey. Constantemente e ta den exterior pa e wordo trata na su balanan, awe na Merca, mayan atrobe na Colombia.
Pronto Mike lo bandona politica, prome cu e wordo destitui, manera su ehempelnan luminoso
Laurant Lamothe di Haiti y Nicolas Maduro di Venezuela.
Pero su gran amigo, y probablemente su unico amigo riba Aruba, esta Jossy Diaree Mansur di e matutino Diareo, ta persisti den elogia y alaba e trastornado aki te den cielo!
Di otro banda e bon noticia ta cu Solo di Pueblo ta hopi mas grandi cu ta ser asumi.
Di mes mi ta laga na doño di Solo pa e publica su cifranan orguyosamente, pero eseynan ta yega hopi cerca di Diareo, Y...mainta banda di 11’or ya ningun caminda mi por haya un Solo pa cumpra mas, pero sí den supermercadonan ainda tin un cantidad di Diareo ta spera riba e cumprador.
E era di Diareo riba Aruba a pasa pa historia, ayo Diareo!

Tomati putri nr. 1: e guera frieu: e presupuesto di 2015.
Keremi! ...e presupuesto di aña 2015 ta bay bira e motibo y e proposito di e guera frieu entre Reino y Aruba.
Durante tratamento di e presupuesto aki lo sali na cla cu e plafond pa gastonan, ridiculamente halto di 1. 350.000.000 florin, un plafond, impone pa su mes door di e propio gobierno, a ser surpasa masha hopi mes, y cu na banda di entrada NO tabatin un CRECIMENTO ECONOMICO di 3.5 %; cu otro palabra, e deficit presupuestario un biaha mas ta bay resulta mucho mas halto cu a ser presupuesta, locual ta haci cu e debe di Pais Aruba consecuentemente tambe ta mucho mas halto!
Wel, esaki awor ta bay tin e efecto di un bom nuclear. Djis aki, na final di februari, comunidad Arubano lo bay weita cu e tarifanan riba e cuentanan di electricidad pa januari a subi cu 15%; ademas di esey ta bay bini tambe un impuesto di transaccion (“transaktiebelasting”), PLUS un impuesto di solaridad (“solidariteitsbelasting”).
Mi ta puntra mi mes, kende lo ta e elegidonan cu lo por sigui sobrevivi asina aki, cada luna atrobe!

Y awor un Tomati Putri y Extra Special: e FAMOSO RAPORT RIBA E HEDGING.
Un biaha mas: keremi, si e raport aki bini riba mesa, e ta bay bira E TOPICO riba Aruba:
E CASO MAS GRANDI DI CORUPCION Y FRAUDE DEN HISTORIA DI ARUBA!!
For di awor aki caba mi ta redabo cu e rapport aki lo bay mustra cu e gobierno di Mike, e Eman trastorna, NO a hedge solamente 20 pa 30 procent di e cantidad di combustibel reservá/cumprá – locual por cierto ta e cantidad cu normalmente ta wordo “hedged” – pero cu gobierno a hedge 100 procent di e compra (a palabra pues un prijs halto pa e futuro entreganan!); e prijs halto aki no a wordo palabra pa unicamente 3 luna manera semper tabata normal, al contrario 100% di e combustibel cu Aruba mester, a wordo cumpra a base di un prijs cu a wordo fihá y mará pa 3 aña!
Ademas mi por redabo tambe cu e entrega di e combustibel aki lo bay via un N.V.; y kende(nan) ta doño di e N.V. aki? Wel, esey nos ta averiguando; y ta p’esey tambe e rapport no a bini riba mesa ainda. Lo no strañami nada si e directornan di WEB, Utilities, nan miembronan di Board, y algun minister, sa mucho mas di e asunto aki cu nan kier divulga na e momentonan aki.
Pero, no worry, esey ta bin ainda... nos tin e “jurisprudentie”; comunidad tin derecho riba
“ inzage”, y e rapport lo bira publico; ta djis un asunto di 1 pa 2 siman, y e ora ey ...........all hell will break loose!!
Y cu razon: si usa 4000 bari pa dia, y e diferencia den prijs ta di 30 dollar pa bari (80 vs 50 dollar pa bari), e ora ey nos ta papia di un suma di 3.600.000 dollar pa luna, of 43 miyon (43.000.000,00) dollar pa aña!
By the way, den e estado Virginia na Merca, recientemente ex-gobernador Robert Mc Donnell a wordo sentencia na 2 aña di prison, pa motibo di corupcion, y pa a acepta soborno di 177.000 dollar; y ainda esey tabata un castigo suave, motibo pa cua Ministerio Publico ta bay den “hoger beroep”, pasobra nan exigencia tabata di 10 aña será!
Pues, ainda tin speranza pa tur esunnan cu ta kere den honestidad!

Aruba, februari 19, 2015
Jan de Ruijter
This email address is being protected from spambots. You need JavaScript enabled to view it.

Expresionnan haci den e articulo aki no necesariamente ta refleha opinion di ArenaPoliti.co