Benny Nisbet (PPA): ‘PPA unico partido cu a presenta un masterplan pa ‘Oranjestad nos capital’!!’
Diabierna ta dia 22 di September fecha cu nos pueblo lo bai urna electoral ….y e unico partido cu a presenta un ‘masterplan pa desaroyo di Oranjestad nos capital’ ta partido PPA !! Ta bon conoci pa tur cu apesar cu gabinete Mike Eman a inverti basta fondo den Oranjestad cu esaki a tuma lugar ‘ad hoc’ esta sin un vision debido…prestando idea di otro sin cu nan mes a studia e impacto etc cu consecuencia cu e inversion no a duna un ‘return on investment’ y den centro di Oranjestad un 60 pacus a sera porta. Fuera di esaki e introduccion di un Aru-parking meimei di un racha di medida a descusta majoria di pueblo cu a stop di bin hasi compras den Oranjestad. Tur esaki a contribui na e crisis economico/commercial cu Oranjestad c.q Aruba ta den.
Contrario na otro partido cu a pone accento riba bandera, sticker, musica, bebida y snacks PPA a pone accento riba desaroyo di varios masterplan pa por duna un contribuiccion serio pa salba nos pais. E masterplan di PPA tin varios punto cu ta importante pa accentua:
- PPA su maneho lo stimula inversion den un Aruba World Trade Center combina cu un Universidad ! Un AWTC lo ta un inversion enorme cu lo crea trabow den construccion pa un periodo largo y cu ora cu e termina lo crea un cantidad di cupo di trabao di valor. Aruba lo tin e infra-structura pa por ofrece comercio international di hiba nan maneho den International Trade for di nos Isla.
- PPA su maneho lo ensera cu APA NV lo worde stimula pa inverti den modernisacion di nos haf di Oranjestad cual basa riba e vision di PPA/1994 ta destina pa ‘crucero’. PPA lo expande e sitionan pa barco crucero for di 4 pa 7 sitio. SI logra pa barco crucero hasi bon uso di djele esaki lo por nifica cu Aruba lo ricibi un 350.000 pa 400.000 turista crucero extra anualmente hibando e total pa pasa 1 million turista crusero cual su ‘spinoff effect’ lo ta tremendo pa henter Aruba.
- PPA su maneho lo ensera cu nos x DOW lo mester bira un ‘Museum Nacional’ di Aruba !
- Segun PPA e proximo warda di polis pa Oranjestad y Dakota lo mester bira e sitio di x JFK scol basa riba varios argumento cu lo contribui na eleva e siguridad de henter e pueblo di Oranjestad y Dakota.
- PPA lo pone un stop na Aru-parking y lo crea un ARU Guide & Security pa duna guia na e movecion den centro di Oranjestad na un forma positivo!
- PPA lo crea un Mercado dedica na Arte, Souvenir y Musica na final di caya grandi pariba di x Nicki Habibe pa asina nos turistanan lo por tin motibo di baha for di e ‘street-trolley’ na final di caya grandi!
- PPA lo inverti den un Education Village y un Education Free Zone…cu lo inverti den infrastructura pa mundo di Ensenansa di Aruba desaroyo di un Free Zone cu lo bira un knowledge center cu tempo y mucho mas.
PPA su Masterplan pa desaroyo di Oranjestad lo bira un vision/ instrumento cu lo demonstra cu Aruba y Oranjestad lo por hiba pa e Proximo Nivel.
Pa tal motibo nos ta invita nos pueblo pa sostene e lista combina di PPA/UPP pa asina duna pueblo un alternative cu lo bira un forza independiente………pa asina pueblo realmente tin un alternativa serio.
ARUBA……pa e Proximo Nivel !!
Aruba, 19 di September 2017
Secretario General di PPA
BENNY NISBET
Expresionnan haci den e articulo aki no necesariamente ta refleha opinion di ArenaPoliti.co
Articulo similar
7 motibo pa laga Pueblo eligi su Gabinete
Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...
Sigui lesa...