MEP: Fraccion di MEP a reuni cu directora di ATA
Diaranson ultimo fraccion di MEP a reuni cu directora di ATA sra Ronella Croes. Presenta na e reunion aki di parti di MEP tabata lider di MEP sra Evelyn Wever-Croes y parlamentarionan Dangui Oduber y Ady Thijsen. A toca varios punto di interes general y desaroyo di turismo. E parlamentarionan ademas kier a scucha opinion di ATA riba e privatisacion di control di espacio aereo, y e tendencianan den turismo na Aruba. "E reunion a bai den bon ambiente y nos a haya hopi informacion valioso pa nos. trabou den Parlamento. Mi ta gradisi directora di ATA pa a ricibi nos y pa duna nos e informacion necesario" Evelyn Wever-Croes a duna di conose.
Expresionnan haci den e articulo aki no necesariamente ta refleha opinion di ArenaPoliti.co