Nos a tuma nota cu Mike Eman a dicidi pa honra e peticion di habitantenan y cancela e plan di bin cu un helipad pa un helicopter den e area di Malmok. Despues di a reuni cu varios cuidadano y comerciante dene area a dicidi esaki. Mi ta contento cu Mike Eman ta tende e preocupacion di habitantenan y hasta pa implementa un nofly zone. Un helicopter cad lo por afecta y danja e calidad y balor di casnan den e zona aki.

Si nos ta haya condenabel cu den e caso specifico di Urirama no a tene cuenta pa tende di esnan di Boroncana, Kurimiaw, Sero pela y tur zona cu ta biba den e areanan aki. Akinan si gobierno a pone argumentonan di salud y preocupacionan valido un banda pa continua cu nan capricho. Remarcabel ta e hecho cu e projecto di Urirama no ta ni viabel tampoco sostenibel considerando e hecho cu prijsdi crudo lo bai keda abou segun pronosticonan.

Nos kier manda un mensahe na pueblo di Aruba cu nos lo ta alerta y vigilante pa cu desaroyonan rond di e projecto aki. Ta di lamenta e area aki cu ta wordo considera un sanctuario santo ta bai wordo kibra. Ta momento pa nos como pueblo pa dicidi na impedi e projecto aki y si mester tuma pasonan legal y otro pasonan decisivo mas pronto cu ta posibel.

Expresionnan haci den e articulo aki no necesariamente ta refleha opinion di ArenaPoliti.co