E ta un materia cu ta basa riba:

1. Systema di informacion (tur informacion ta wordo poni hunto, por analisa e situacion y informacion por wordo presenta);
2. Telecomunicacion;
3. Computer.

Pa medio di e materia aki un alumno ta siña diseña y domina:

1. Systema di netwerk (netwerk ta momento cu dos of mas computer ta connecta cu otro).
2. Database (database ta unda cu informacion digital ta wordo warda).
3. Website.
4. Applications (“Apps”).

Tambe ta wordo educa con pa mantene un computer, tanto e parti software y e parti hardware.

E motibo pakico mester introduci un opleiding basa riba un pilar economico di un pais ta cu enseñansa ta produci empleadonan pa un pais su pilar(nan) economico. Enseñansa ta educa e hobennan cu ta e futuro empleadonan e competencianan cu nan tin mester pa por ta exitoso den nan futuro trabou.
Dos di e competencianan cu enseñansa ta brinda na e alumnonan ta:

1. E conocemento cu nan mester tin.
2. E habilidad cu nan mester por eherce.

Pa medio di e dos puntonan menciona e alumno ta siña domina y ta creativo den e materia. Creativo paso e persona sa ki opcionnan e tin momento cu e tin resolve un situacion. Y di e opcionnan e lo sa di dicidi cua lo ta e miho solucion. Tambe enseñansa ta educa su alumnonan e comportacion cu nan mester tin momento cu nan drenta sector laboral.

Un di e motibonan pa introduci un pilar economico nobo ta pa tin mas empleo cu miho salario, y cu e meta pa den futuro bo hendenan local tuma e puestonan over. Tambe ta bay tin mas variashon den trabou cu ta brinda mas persona pa eherce un profecion cu e ta haya cu ta pas cu su personalidad. Si e hobennan no ta domina e materia mane debe ser, nan no por bai eherce e profeshon. Y locual cu lo bai sosede ta cu na trabou e persona lo bay siña e trabou enbes di sa ki e trabou ta. Na mes un momento si no tin suficiente personanan califica pa eherce e profecionnan, ta bay over na busca trahado for di exterior pa hasi e trabou. Cual cu ta hasi cu den futuro cu mesun juinan di tera ta bai gana menos salario of keda sin empleo.