Mike Eman "Resultado di Inversion den Producto Aruba: Oportunidad pa un Miho Entrada pa Empleado den Turismo"
![Mike04](/images/779x490/Mike04.jpg)
ORANJESTAD - Prome Minister Mike Eman a splica kico ta encera inversion den producto Aruba y pakico a haci esaki. “Nos ta wak e desaroyo di Aruba pa futuro. Loke nos kier ta un corelacion entre e calidad cu nos por ofrece esnan cu ta bishita nos y e calidad cu nos por ofrece esnan cu ta biba na Aruba mes. Un corelacion cu ta cana mas paralelo den desaroyo di nos pais.” Eman a bisa cu su gobierno kier a kibra cu e discrepancia cu tin caminda cu tin hotelnan di 5 strea y di otro banda tin bario y scolnan den deterioro. Esaki ta diferencia entre locual bo ta mira den e aspecto comercial, e aspecto turistico y locual ta e aspecto di e bida diario na Aruba. A inverti den producto Aruba y e resultado ta bisto.
Eman, “mi ta contento cu e pensamento aki ta wordo traduci door di ATA den un forma hopi reconocibel tanto pa nos propio comunidad como pa esnan cu ta bishita nos. Sigur ora nan bisa ‘un pais dushi pa biba ta un pais dushi pa bishita’. Un di e metanan hopi importante cu nos a pone nos dilanti ta pa prome cu nos pensa riba esnan cu ta bishita nos, ban pensa riba nos mes. Con satisfecho nos mes ta cu nos barionan, nos scolnan, nos veldnan di deporte y areanan publico entre otro.” Gabinete Mike Eman I y II a traha riba e mehoracionnan necesario y a inverti asina den producto Aruba. E vision aki a traduci su mes den un producto mucho mas atractivo pa esnan cu ta bishita e isla aki.
![131107impression](/images/imagen/131107impression.jpg)
Asina e vision di un Aruba di calidad ta resulta den un Aruba mas fuerte, un Aruba caminda e ciudadanonan por comparti e bolo cu hunto a haci’e mas grandi pasobra a haci e isla uno di calidad halto.
Expresionnan haci den e articulo aki no necesariamente ta refleha opinion di ArenaPoliti.co