Minister di Cultura Otmar Oduber sumamante emociona y satisfecho cu e magno celebracion di Nos Himno y Bandera. 
Pa e Minster di Cultura tabata un momento sumamente bunita e momento a mira con grandi e celebracion e aña aki ta, unda a inicia esaki dia 16 di maart cu e concierto Resona, cu a brinda honor na nos folkore. 
Dia 17 e celebracion a continua cu Fiesta Cultural riba Plaza Betico Croes, unda Aruba completo a asisti pa asina aki sostene nos cultura, disfruta di loke ta di nos y a goza di nos folklore. 
Dia 18 di maart e aña aki, tabata uno mas grandi cu nunca, unda cu e manifestacion cultural dilanti di Bestuurskantoor a demostra di tabata sigur un exito. 
E aña aki manera tur otro tabatin presentacion musical como tambe desfile di e diferente gruponan activo den nos comunidad. Aki a conta cu mas di 60 grupo consistiendo di tanto gruponan di scout, baile, folkore, comunitario y deporte cu orguyosamente a desfila pa e publico presente. Tabata sigur impresionante pa por a presencia con un gran mayoria di e gruponan aki a consisti di mucha y hobennan. Esaki ya caba ta duna indicacion cu e traspaso pa e amor pa loke ta di nos, ta tumando lugar. 
Despues di e celebracion aki Aruba completo por a disfruta y sostene nos cultura den e diferente actividad cu tabatin na e diferente centronan di bario y otro lugarnan.
Minister Oduber ta gradici Aruba completo pa a demostra e Arubianisismo cu ta biba den cada un di nos, demostrando e aprecio grandi cu nos tin pa e lucha cu nos antepasadonan a hiba pa por a crea un base solido pa awe nos por ta un pais autonomo den Reino.

Expresionnan haci den e articulo aki no necesariamente ta refleha opinion di ArenaPoliti.co