Nos a tuma nota cu honor a wordo brinda na tur e baluartenan den nos turismo na plaza turismo unda cu tambe a resalta e contribucion grandi di e inolvidabel baluarte defunto Daniel Leo. Den e 45 anjanan di MEP tambe tawatin algun pioneronan tambe cu a resalta den e sector turistico y mi kier a recomenda pa anadi entre otro diputado Delwin Gomez, diputado Michael Kuiperi y Minister Edison Briezen cu pa hopi anja largo a eherce e function aki cu yen di logro pa nos Pais.

Ta importante pa nos reconoce tur esnan cu a duna nan aporte pa e pilar turistico aki crece y bira fuerte. Nos mester inclui tur persona cu a aporta sin importa nan color politico y duna balor real pa e trabou cu nan a hasi pa e comunidad di Aruba. Den cuadro di esaki nos ta spera cu por duna cesar loke ta di cesar y tambe honra otronan cu pa medio di hopi esfuerso y trabou a pone Aruba riba mapa mundial y yuda engrandece y fortalesenos nos pilar mas importante economico: NOS TURISMO.

Expresionnan haci den e articulo aki no necesariamente ta refleha opinion di ArenaPoliti.co