No kabe duda cu e temblor(nan) registra ultimo dianan aki den e lama entre Aruba/Corsow/Venezuela a causa basta consternacion y descussion. Sigur e topico di un posibel ‘tsunami’ a bira discussion riba varios ‘social media’ unda kada kende a expresa su opinion relaciona cu e desaroyo natural aki.

E topico di un posibel ‘tsunami’ y e pregunta unda e pueblo di Aruba lo mester bai na e momento ey tabata un pregunta hopi hasi den pueblo. Aruba ta relativamente plat y tin algun seroe/serito so. Naturalmente en caso di un Tsunami e pregunta lo ta for di cua direccion un tsunami lo ta biniendo. Entre Venezuela y nos Islanan e lama no tin un profundidad pa crea un tsunami cu un forza enorme apesar bon no sa nunca. Un tsunami biniendo for parti pa ‘noord’ e.p. lo por ta hopi mas peligroso pa nos Isla cu un tsunami cu ta biniendo for di pa zuid pa motibo di e profundidad di e lama . A lo menos esey ta e splicacion cu mi a ricibi y lesa di djele na algun occasion.

Sinembargo segun PPA a jega e momento pa gobierno/rampenbureau presenta un MAPA di color cu ta indica unda pueblo lo por bai si encaso tin un ‘tsunami’ na caminda !

E hecho cu pueblo di Aruba a mustra un preucupacion pa e consecuencia di e fenomeno natural aki ta hopi bon…pero pesey mes PPA na varios occasion a referi na e consecuencia di ‘Climate Change y rising sea levels’ cual ta consecuencia di locual nos ta jama fenomeno ‘man made’ a consecuencia di maneho di ser humano rond mundo cu no a worde bon maneja. ‘Rising sea levels’ aumento di e nivel di lama ta biniendo…el a anuncia su mes …y el a duna humanidad espacio pa prepara su mes pa eventualmente limita e danjo cu e lo por hasi.

Naciones Unidas a ranca na e bel aki un bon 15 anja pasa !! Rond mundo a tuma lugar discussion profundo despues estudio profundo y awor ta den ejecucion di accion pa limita eventual danjo cu ‘rising sea levels’ lo por hasi.

Un vez mas na Aruba NI gobierno di Aruba Ni parlamento di Aruba NO a dedica atencion debido na e problematica aki apesar cu Aruba ta un isla relativamente ‘plat’ y ta depende di presencia di nos ‘beachnan’ pa nos Industria di turismo. Otro lsla den Caribe ta hopi leeuw den nan lucha pa limita danjo cu un eventual ‘rising sea level’ lo por hasi nos Isla. Si nos imagina nos Isla SIN nos beachnan cierto momento …esaki ta espantoso. Si nos pueblo ta preucupa cu e consecuencianan di un tsunami…kerenos e consecuencia di ‘rising sea levels’ lo por tin consecuencia dramatico tambe.

Nos PPA ta preucupa pa e districto di San Nicolas, Zeewijk, Cura Cabai, Savaneta pa Zuid, Pos Chikito pa Zuid, Spaans Lagoen, Balashi, Cas di Paloma etc, Oranjestad y un parti di Noord…tur ta core cierto peliger encaso di ‘rising sea levels’ y cierto parti di Aruba esaki por worde limita si nos tuma accion na tempo.

Pesey cu PPA den parlamento di Aruba of den gobierno lo tin atencion pa e problematica di ‘climate change y rising sea levels’. Lo e mester ta riba nos ‘agenda nacional’ y pueblo lo worde envolvi y teni na altura di posibel peliger.

PPA lo tin e consecuencia di ‘Climate Change y rising sea levels’ halto riba nos programa di accion si encaso pueblo duna PPA un mandato pa representa nos pueblo den parlamento pero tambe si acaso nos por contribui na gobernacion di nos pais den futuro. Aruba su nivel di seguridad den tur forma mester di mas atencion y mester worde eleva.


Aruba, 12 di maart 2017
Lider Politico di PPA
BENNY NISBET

Expresionnan haci den e articulo aki no necesariamente ta refleha opinion di ArenaPoliti.co