Increibel pero berdat ta cu hopi di e post nan di polis di bario ta sera of no ta funcionando como debe ser. Esaki no tin di haber cu e maneho dentro di Cuerpo Policial mes y tampoco debi na e polis di barionan. Esaki tin di haber cu e maneho di gobierno.  E polis di barionan kier duna lo maximo pero asina ki no por. Segun gobierno y minister di husticia no tin plaka pa mantene e post nan aki.  Es decir no tin plaka pa computer, muebles y tampoco pa mantene e oficina. Varios biaha ami, Alan Howell, a hala orea di gobierno publicamente ariba e thema aki.  Pero lastima niun musca a bula.  Si tuma como ehempel e post di polis di bario di Mabon, ta casi bira un “chollerhouse” y ta sera y bandona pa añas caba. Habitantenan ta haña esaki un falta di respect. Polis di bario tin un rol hopi importante den nos Cuerpo y pa cu nos barionan. Un polis di bario cu bon contacto cu su bario, por preveni y soluciona masha hopi caso mes. Specialmente den e temporada aki cu Atraco ta “on on”.  Tambe e presencia di polis di bario  ta alivia e “patrouille” nan hopi.  E ‘patrouille” nan lo por cubri otro lugarnan strategico. Alan ta sigura pueblo  cu despues di 22 di September 2017, cu partido POR den gobierno, tur post di polis di bario lo ta habri den e prome 100 dianan  di gobernacion. “Together we can make it better”. “ The small man for the people and the people for the small man”. 

Expresionnan haci den e articulo aki no necesariamente ta refleha opinion di ArenaPoliti.co