Gabinete ME II: Minister Bermudez a ricibi ‘Fiscale Wettenbundel’ 2015
ORANJESTAD - Siman pasa Minister di Finanzas Bermudez a haya bishita di Sr. Fong-Mang Cheong, Tax Partner Meijburg & Co. Caribbean y Sr.Paul Arets, Tax Manager Meijburg & Co. Caribbean kendenan a haci entrega di e pakete di leynan Fiscal 2015 pa loke ta trata Corsou, Aruba, St. Maarten y Hulanda.
Segun Minister Bermudez e pakete completo di e leynan fiscal 2015 ta di suma importancia, principalmente pasobra mester tuma na cuenta varios leynan cu a cambia den transcurso di tempo y cu awe ta na vigor. E mandatario conhuntamente cu e comision di Profesor Vermeend tambe ta trahando riba e Reforma Fiscal pa Aruba cu ta inclui modernisacion y simplificacion di nos leynan fiscal.
Desde 2004, KPMG Meijburg Caribe ta encarga cu publicacion di e pakete completo di e leynan aki, mientras tanto esaki ta e di diesdos biaha cu e organisacion ta haci dicho publicacion exitosamente na comienso di aña.
Expresionnan haci den e articulo aki no necesariamente ta refleha opinion di ArenaPoliti.co