Pasobra Juan David Yrausquin ta esun cu a pasa machete den tur derecho di esnan mas vulnerable den nos comunidad, pero pa e mes si a regla un tremendo overbruggingstoelage.

Hopi hende ta puntra nan mes si ta husto pa un hende cu no tabata minister ni 9 luna, awor cobra overbruggingstoelage pa 12 luna.

Ademas, na momento cu Juan david Yrausquin a declara na prensa e siman aki cu e anja aki e ta tuma pa reflecciona, eynan si hopi hende a rabia di berdad. Tabata den un entrevista cu e corant Amigoe cu Yrausquin a declara cu e tin hopi caminda cu e por bai traha, e tin hopi opcion. Pero toch el'a dicidi di no tuma ningun, e lo tuma un anja pa reflecciona. Esey pueblo ta paga toch!

Ta incredible con un hende por papia asina. Tin centenares di tata di famia cu no por haya un trabou pa mantene nan famia, y esaki ta nenga trabou y ta bai reflecciona toch ta pueblo mantene su famia. E actitud arogante aki no por wordo acepta. Fraccion di MEP ta wardando ainda contesta di Minister Bermudez riba e preguntanan hasi e siman aki, pa despues puntra Mike Eman si nan ta haya cu berdad pueblo mester mantene Juan david Yrausquin y su famia, mientras e ta tuma un anja di refleccion. Ta mescos cu ta pa 10 minister nos ta pagando awor, hustamente awor cu situacion ta asina dificil y tanto famia ta biba den pobresa.