Oranjestad – Aruba, 10 Augustus 2015: Despues cu na Mei ultimo parlamento a aproba e presupuesto y consecuentemente Cft a conseha positivamente riba e finansiamento, diabierna ultimo Ministro di Finanzas Sr. Angel Bermudez a formalisa e finansamento di e preopuesto 2015.

Siguientemente e mandatario a buska aprobacion di conseho di minister di Reino pa un fiansa riba mercado internacional y despues cu e conseho di Reino a aproba esaki dia 12 di Juni ultimo Minister Bermudez cu e expertonan di Directie Financiën a haci un gira na Europa pa sondea e mercadonan.


Finalmente e mandatario di finanzas a haña un oferta atractivo di Credit Suisse pa un suma total di US$ 127 miyon. Diabierna mainta Sr. Gobernador a firma e decreto pa autorisa e fiansa aki, di cual e suma di US$ 85 miyon lo ta disponibel directamente. Segun splicacion di Minister Bermudez, e resto di suma aki lo ta disponibel mas den aña ora cu e ta necesario.


Ademas e fiansa aki lo mester wordo paga den añanan benidero te cu 2022.
Minister Bermudez ta satisfecho cu a logra realisa e fiansa pa e deficit presupuesta p’e aña aki y cu mercado financiero internacional a demostra atrobe di tin confiansa den pais Aruba.


FIN

Expresionnan haci den e articulo aki no necesariamente ta refleha opinion di ArenaPoliti.co