Gerick Croes (MEP): Gabinete Eman ta bai ranca 11.5 miyon di pueblo den 2 aña cu parkeermeters!
Mescos cu cualkier ley manera por ehempel presupuesto di nos pais e ley di parkeermeters tambe ta bin acompaña cu datonan financiero. E datonan financiero incluyendo analisis ta dunabo un indicacion di con hopi e projecto costa inicialmente pero tambe ta duna un proyeccion di tur entrada, plannan, otro gastonan y calculacionan importante.
Den caso di parkeermeters pueblo mester ta informa cu inicialmente e inversion ta costa pueblo di Aruba un suma di 3.4 miyon florin. E suma aki ta cubri entre otro 105 parkeermeters, 4 vehiculo, wheelclamps etc. No solamente mester tene cuenta cu e inversion inicial pero tambe cu gastonan operacional cual segun e analisis lo bai ta 3.8 miyon florin pa aña. E suma aki ta reparti entre gastonan di personal (1.4 miyon), acuerdo di mantencion ( 300 mil), huur (72 mil). Un suma di 1.5 miyon florin como cobransa standaard pa concession tambe ta parti di gastonan operacional pa aña. Ademas di informacion manera di inversion y gastonan parti di e plan tambe ta importante pa pone atencion na dje. Por ehempel pueblo mester ta informa cu den centro di playa tin 1533 parkeervakken y na caminda High Rise area lo tin 419 parkeervakken. Pero e entrada di parkeermeters di area Highrise por ta mas halto pasobra e ta valido 24 ora pa dia mientras e parkeermeters den centro di Oranjestad lo traha di 7 am pa 7pm. Akinan bo ta mira cu Gabinete Eman a pensa riba un delaster posibilidad pa chica placa di pueblo.
Segun e proyeccionan presenta Parkeermeters lo bai ranca 11.5 miyon di pueblo den 2 aña! Tur esaki ta bai ta entrada colecta di vergunninghouders, parkeervakken regular, boetnan di wheelclamp y entrada di towmento. Basa riba e datonan y accionan di Gabinete Eman ta parce cu cueste loke cueste kier ranca placa for di tur skina. Bo por conclui cu Gabinete Eman no a keda contento rancando placa for di comercio y e clase trahador cu ta labora Oranjestad pero a dicidi pa bai ranca for di High-rise area tambe!
Den caso di parkeermeters pueblo mester ta informa cu inicialmente e inversion ta costa pueblo di Aruba un suma di 3.4 miyon florin. E suma aki ta cubri entre otro 105 parkeermeters, 4 vehiculo, wheelclamps etc. No solamente mester tene cuenta cu e inversion inicial pero tambe cu gastonan operacional cual segun e analisis lo bai ta 3.8 miyon florin pa aña. E suma aki ta reparti entre gastonan di personal (1.4 miyon), acuerdo di mantencion ( 300 mil), huur (72 mil). Un suma di 1.5 miyon florin como cobransa standaard pa concession tambe ta parti di gastonan operacional pa aña. Ademas di informacion manera di inversion y gastonan parti di e plan tambe ta importante pa pone atencion na dje. Por ehempel pueblo mester ta informa cu den centro di playa tin 1533 parkeervakken y na caminda High Rise area lo tin 419 parkeervakken. Pero e entrada di parkeermeters di area Highrise por ta mas halto pasobra e ta valido 24 ora pa dia mientras e parkeermeters den centro di Oranjestad lo traha di 7 am pa 7pm. Akinan bo ta mira cu Gabinete Eman a pensa riba un delaster posibilidad pa chica placa di pueblo.
Segun e proyeccionan presenta Parkeermeters lo bai ranca 11.5 miyon di pueblo den 2 aña! Tur esaki ta bai ta entrada colecta di vergunninghouders, parkeervakken regular, boetnan di wheelclamp y entrada di towmento. Basa riba e datonan y accionan di Gabinete Eman ta parce cu cueste loke cueste kier ranca placa for di tur skina. Bo por conclui cu Gabinete Eman no a keda contento rancando placa for di comercio y e clase trahador cu ta labora Oranjestad pero a dicidi pa bai ranca for di High-rise area tambe!
Expresionnan haci den e articulo aki no necesariamente ta refleha opinion di ArenaPoliti.co