Lider di MEP Evelyn Wever-Croes diabierna ultimo a celebra dia di nos grandinan na San Pedro Paviljoen. Semper ta un placer pa bishita nos grandinan, y especialmente riba e dia aki. Mi ta gradisi tur nos grandinan pa tur locual nan a hasi pa desaroya nos pais y cu awor nos por lanta nos yiunan riba e dushi baranca Aruba. Tur esaki danki na nan labor, y nan sudor.
Mes momento mi ta compromete pa lucha pa un cuido y un bida digno pa nos grandinan. Nos mester brinda nos grandinan un bon cuido, y pa esey nos mester mas enfermero pa cuida nan, den casnan di cuido y na nan propio cas.
Tambe mester di mas specialista riba tereno di geriatria, esta sepcialisa den malesanan di nos grandinan. Nan merece di haya e cuido digno.
Aspectonan financiero tambe ta hunga un rol grandi, y por lo tanto nos mester elimina belasting riba pensioen di biehes, y nos mester percura pa nos grandinan no wordo molestia na grandi cu cobransa di belasting atrasa.
MI ta gradisi tambe tur esnan cu ta traha cu nos grandinan, pa nan trabou duro y dedicacion enorme, y nos mester duna mas atencion na e grupo aki tambe di hende homber y muhernan balente cu ta duna nan alma y cuerpo na nos grandinan, y mehora nan condicionnan di trabou.
Nos compromiso cu nos grandinan ta firme, y cu determinacion nos lo logra.

Expresionnan haci den e articulo aki no necesariamente ta refleha opinion di ArenaPoliti.co