Evelyn Wever-Croes: Nos pensionadonan merece mihor!
ORANJESTAD – Durante conferencia di prensa di MEP lider di MEP Evelyn Wever-Croes a trese dilanti cu durante varios bishita cu e ta hasiendo, especialmente cerca nos grandinan, e por nota e preocupacion cu ta biba bou di nos famianan pa loke ta nan bashi premie y nan najaarspremie. Mester tene na cuenta cu awendia ta varios pensionado ta mantene nan yiunan adulto cu a perde trabou, mirando e centenares di persona cu a perde trabou ultimo temponan.
Y ainda Mike Eman no kier duna claridad riba esaki. El’a bisa cu e ta buscando con pa haya e placa, pero esey no ta cuadra cu e promesa cu el’a duna sra. Hiacinta Thijsen cu e TA bai paga nan.
Ademas, tin placa si pa e ministernan biaha constantemente, pero no tin placa pa nos grandinan? Tin placa si pa parlamentarionan di AVP regla nan salario, pero no tin placa pa nos grandinan? E abusonan aki mester caba y gobierno mester stop di hunga wega y cumpli cu su deber legal y moral p acu nos grandinan. No ta husto cu un pensionado mester carga mas problema na su cabes, problema ocasiona pasobra Mike Eman a redobla nos debe nacional den 5 anja!
“Nos pensionadonan merece mihor, y nos ta compromete pa duna nan un mihor calidad di bida. Pesey nos ta spera cu Gobierno cumpli cu su promesa di paga e bashi premie y najaarspremie”, palabranan di líder di MEP Evelyn Wever-Croes.
Expresionnan haci den e articulo aki no necesariamente ta refleha opinion di ArenaPoliti.co