Mike Eman a hiba un maneho irresponsabel di destrui nos pais y keto bai ta hibando un maneho di dividi e pueblo, segegra e pueblo y fiesta cu placa di pueblo. Awe despues di 6 anja Mike Eman a kibra nos pais financieramente, manda nos pais bancarota y empobrece nos pais. Awe 12,000 famia na Aruba no por paga nan cuenta di awa. Awe 8000 famia no por paga nan cuenta di awa. Awe 40% di nos poblacion no por paga nan number di auto y awe 30% di nos hobenan ta desemplea. Tin un lista di espera na FCCA di casi 3000 persona. E gobierno aki no a contrui ni 1 cas social den 6 anja y e econsequencia ta awe cu 3000 famia no por haya un cas social y ta pagando prijsnan di huur hopi halto y pesey ta casi imposibel pa nan por sobrevivi cu e salario cu nan ta haya y mirando e costo di bida cu tin actualmente na Aruba. Esaki ta e explosion social cu Mike Eman a crea. Den e situacion cu Mike Eman a crea famianan ta biba den angustia, muchanan ta bai scol sin cuminda, muchanan ta biba sin awa y coriente y nos tin un promer minister cu keto bai ta sigui dercoha placa di pueblo y fiesta cu placa cu no ta di dje. E gobierno aki a derocha placa di puebo pa yuda nan amigonan, nan sponsoronan di campanja, nan famianan y e pueblo mes a keda perhudica. E pueblo no a progresa durante e ultimo anjanan aki, al contrario e pueblo a bai cu stapnan grandi atras. Proyectonan grandi ta wordo duna na amigonan, trabou ta wordo duna na esnan cu tin un partijdiploma y awor ta negoshi ta wordo haci cu placa di pueblo. Gastonan di gobierno a aumenta drasticamente, gastonan di huurmento di edificio a aumenta drasticamente anto e ora nos tin cu puntras nos mes for di kende gobierno ta huur edificionan awor. Gobierno ta sponsor sobrino di promer minister pa haci promocion na Merca cu placa di pueblo. Gobierno ta paga miyones di florin pa anja pa transmiti programmanan politico na canal 15 cu ta di Mike Eman. Bo ta suta y castiga un pueblo cu medida, miles di personan ta biba den miseria anto bo tin placa si hinka den bo mesun compania. Esaki bo ta yama abusa cu placa di pueblo. Nos kier pa Mike Eman splica pueblo cuanto placa gobierno di Aruba a paga na ATV canal 15 e ultimo 6 anjanan pa transmit porgramanan di gobierno? Acaso esaki no ta usa placa di pueblo pa beneficio propio? Acaso esaki si ta por y esaki si pueblo mester accepta? Bin duna un splicacion na pueblo dikon por tin placa pa esey si y no tin placa pa nos grandinan, no tin placa pa esnan di menos recurso, no tin placa pa construi scolnan.
E mal maneho di e gobierno aki a trapa riba derecho humano di nos arubianonan. Ta pesey a yega ora pa trece un cambio. E cambio mester pone como prioridad construccion di un scol Mavo/Havo/VWO, pone como prioridad baha e costo di bida, pone como prioridad garantiza un Aruba mas sigur y loke ta hopi importante un turismo solido y duradero y no manera cu e ta awor aki.

Expresionnan haci den e articulo aki no necesariamente ta refleha opinion di ArenaPoliti.co