Andin Bikker (PDR) den conferencia di prensa: “Mester bin un reunion urgente den Parlamento referente salubridad publico”
Diamars dia 26 di april 2016 Partido Democracia Real a tene un conferencia di prensa den cua parlamentario Andin Bikker a hiba palabra. Segun e lider di PDR mester bin un reunion urgente den Parlamento tocante salubridad publico, referiendo na diferente reclamo di ciudadanonan pa loke ta trata cuido medico, y e protesta contra e nivel di cuido medico na Aruba.
Sr. Bikker tambe a elabora riba un posibilidad na fin di mei binidero pa trece cambio den Statuut di Reino Hulandes por medio di amienda riba un ley di un parlamentario Hulandes cu lo wordo trata den Tweede Kamer (parlamento Hulandes). Sr. Bikker ta menciona e posibilidad di regla un geschillenregeling den Statuut, y e posibilidad pa duna parlamentarionan di Aruba, Corsou y Boneiro e derecho pa entrega ley di iniciativa riba nivel di Reino Hulandes.
Sr. Bikker tambe a trata e tema di abuso sexual di mucha, y a encurasha pueblo pa participa den e demostracion cu lo tuma luga dia 27 di april.
Klik play pa scucha Andin Bikker elabora riba e puntonan menciona, y mas.
Expresionnan haci den e articulo aki no necesariamente ta refleha opinion di ArenaPoliti.co