Tin varios siman cu tin un discusion andando entre minister Otmar Oduber y e taxistanan. Sin dialogo, sin consulta cu ningun taxista a tuma un decision unilateral pa bin un decreto ministerial cu ta perhudica e taxistanan. Dia un dia pa otro y haci benta sin previo aviso cu ta bin cambio den manera cu taxistatanan ta opera. E cambio cu mas ta perhudica e taxistanan ta articulo 2 di e decreto ministerial cu a wordo publica y a drenta na vigor 1 juni 2016.

E articulo 2 di e decreto ta papia palabranan hopi cla:

Artikel 2 di e MB ta prescribi lo siguiente: “ Alle verzoeken om overschrijving van een vergunning op naam van een andere, OOK AL ZIJNDE EEN LID VAN HET GEZIN ZOALS BEDOELD IN ARTIKEL 15 LID 1 VAN DE LANDSVERORDENING PERSONENVERVOER,  ZULLEN WORDEN AFGEWEZEN!!     

Esaki kiermen cu tur peticion cu tur taxista haci na minister Oduber pa traspaso di vergunning LO WORDO RECHAZA.

Un di e motibonan cu Otmar Oduber a bin cu e cambio di maneho ta pa motibo cu segun e, tin hopi taxista lo ta haci negoshi cu nan vergunning y cu nan lo ta bende esaki. Segun minister Oduber e kier pone un paro na esaki y ta pesey e cambionan aki ta necesario. Remarcabel den henter e ponencia aki ta e hecho cu NINGUN traspaso di vergunning di taxi NO por tuma lugar sin firma di e minister di transporte cual den e caso aki ta e mesun Otmar Oduber. E ta esun cu ta responsabel y ta e ta esun segun ley cu ta autoriza pa firma TUR traspaso di vergunning di taxi. Kiermen na momento cu e minister Oduber ta insinua cu lo tin hopi negoshi cu bendemento di permiso di taxi e ta haci su mes culpable y complice di e negoshi aki. Tur peticion ta wordo aproba pa su persona y si berdad ta e caso cu tin negsohi anto e ora e minister tambe mester por saca su conlusion y asumi su responsabilidad. No bin culpa e taxistatnan cu tin negoishi, tin cu culpa e minister cu ta coopera pa e negoshinan aki tuma lugar.

Ta obvio cu e minister no tin respet y no tin oido pa e taxistnan na e forma cu e ta trata nan. Den articulo 4 inciso 1 di e ley di transporte publico tin poni cu tin un commission cu ta consisti di 3 miembro di cual un miembro mester representa e taxistanan. E comsion aki ta esun cu ta conseha minister di trasnporte riba maneho. Lamentablemente e commission aki NO ta existi y aki ta un muestra cu e minister mes NO ta respeta ley y no ta traha segun regla.

No ta husto pa trata e taxistanan aki cu dia aden y dia afor ta traha cu turistanan di e forma cu nan ta wordo trata. Nos ta bolbe ripiti, minister tin e obligacion di trek in e decreto aki y bai sinta na mesa cu e taxistanan pa yega na un consensus y stop di dicta y kere cu tur loke bo trece dilanti tur hende mester guli!!!

Expresionnan haci den e articulo aki no necesariamente ta refleha opinion di ArenaPoliti.co