Despues di 7 aña den Gobernacion partido AVP y su lider a kibra tur regla di bon gobernacion. Cuanto di nos conciudadanonan mester biba cu e berdad amargo aki. Cuanto caso den salud publico cu GE I y II no a tuma responsabilidad pa nan. Nos hendenan ta perde nan bida den parkinglot di IMSAN, un dama, afilia na e Minister di Salud Publico actual, ta perde su bida durante parto. Locual ex-Minister Richard (Yena Saco) Visser a haci bon den deporte, Alex Schwengle a dicidi di para esaki. Visser a laga hala di trampa pa e Minister (Parttime) Schwengle drecha e.o. un hospital sin operatiekamer na un balor di casi 1 biyon florin. Boycott di expansion di IMSAN pa bira un hospital. Ni un MRI no por saca na San Nicolas. Nos pueblo tin cu bay te Eagle mustrando e falta di vision di e gobierno burdugo aki. Alabes nos no tin inspeccion di Salud di Hulanda.

Minister Schwengle a bay trip y haci leuk na Rio 2016 cual a costa nos pueblo 10.000 florin anto deporte na Aruba ta na suela. Lotto pa Deporte a wordo gehedge te 2030 unda cu mayoria di e fondo di ganashi ta pa e banco Canades y no pa inverti den deporte Arubano. Den nan afan pa elimina nos Libertador efm Gilberto François Betico Croes su legado y memoria a cancela Olimpiada Escolar Betico Croes. Den pasado mas di 2000 mucha di schoolnan preparatorio, basico y avansa rond di nos isla tabata participa na e olimpiada aki. A gasta 3 miyon florin di Lotto pa Deporte y OM a keda man bashi. A cambia hasta e nomber IDEFRE pa IBISA, pero tanto bal pasobra nos hubentud a bay drasticamente atras. 

Minister Paul (Watsapp) Croes su programa hubentud talentoso cu ta hiba campaña politico cu 80 tas pa mucha di menos recurso, anto ta su gobierno a laga aumenta schoolgeld door di no duna subsidio na SKOA, perhudicando varios famia. E gobernantenan aki mester bay den e "BUSJE" y hiba tur den e desaster di KIA cu no tin fin di wordo drecha. Hasta e 2.3 miyon florin pa camara na KIA ainda no a wordo realisa. Edad di hoben cu problema cu husticia ta di 13-17 aña, un señal alarmante cu e maneho di GE I y II ta uno destructivo, ya cu no ta buta e ser humano central, pero a gasta 2.7 biyon florin extra sin trece e prosperidad desea y a aumenta nos debe nacional te 6.3 biyon florin. Un pais cu tin mas debe cu tin na entrada. Si nos pueblo no stop e rumbo di e trein aki, ta 120.000 alma lo wordo destrui. Ex-Miniser Richard Visser a caba cu salud publico, pero Minister Schwengle a caba cu Salud y Deporte den un solo tiro. Solo el pueblo, salva el pueblo.

Expresionnan haci den e articulo aki no necesariamente ta refleha opinion di ArenaPoliti.co